Shillong, Naitung 15: Ka Khasi Students’ Union North Eastern Border ha ka 15 tarik Naitung 2022 ka leit ban kynduh ia u Deputy Commissioner shri Arpit Upadhaya halor ka jingwan pynhap post bording electricity jong ka sorkar Assam ha lai tylli ki shnong ba hap hapoh ki thain khappud kita ki long ka shnong Sabuda ,jatalong bad ka umsohlaper.
Ha kane ka sngi ka jingiakynduh la wan ryngkat naduh u President ka KSU North Eastern Border u samla Banjop Maring , usamla Augustine Nongrum Secretary KSU North Eastern Border.
U samla Banjovial Nongrum Organising secretary North Eastern Border ,u samla Micheal susngi assistant organising NKHD unit ha ryngkat u Bah Blickstar Sohtun President synjuk ki Rangbah Shnong Border Area lem bad ki dkhot jong ka KSU North Eastern Border.
Haba ioh jingkren na u President Synjuk Rangbah Shnong Eastern Border u bah Blickstar Sohtun u la ong ba da lei lei kim pdiang satia ia ka jingwan pynhap post bording electricity jong ka sorkar Assam ha ka shnong sabuda bad u la ong ruh ba ha u snem 2013 Ka sorkar Meghalaya ka la leit ban thung ia ki nar post electrik ha ka shnong Umsohlapher.
Halor kane na ka liang ka sorkar Assam kam shym ailad ban thung ia ki nar post ba la wan buh da ka sorkar Meghalaya bad kumjuh ha u snem 2017 ka sorkar Meghalaya ka la thung ia ki nar post ha ka shnong Sabuda hynrei na ka liang ka sorkar Assam ka la wan ban phud noh ia ki ki nar post bad kam shym la ailad satia ia ka sorkar Meghalaya ban thung ia kita ki post electric.
Mynta u snem 2022 haka 13tarik Naitung ka sorkar Assam ka la wan ban pynhap ia u narpost ha shnong Sabuda hynrei na ka liang ka shnong tang shu jingtip halor ka jingleh donbor ka sorkar Assam ka leit bad ia kynduh ia u DC Ribhoi ban dawa ban pynsangeh noh shi syndon ia kane ka kam ba la wanrah da ka sorkar Assam.
U samla Banjop Maring president KSU North Eastern Border haba ai jingkren u la ong ba na ka liang ka seng kam nym pdiang ia ka jingwanthung ia ki nar post da ka sorkar Assam bad na ka liang u DC ruh u la kular ban shimkhia halor kane kam bad lada ka sorkar Assam ka dang pyniaid shakhmat ia ki kam na ka liang ka seng kan nym shong kli kti hynrei kan leit ban pynlong da ki jingiakhih kiba tyngeh ha kano kano por.
