Shillong, Rymphang 08: U District Election Officer bad Deputy Commissioner, East Khasi Hills District u la pynbna paidbah ba ka 27 tarik mynta u bnai kan dei ka sngi shuti ha kaba ki nongbylla kim dei pat ban duh ia ka bainong sngi ka jong ki.
Ia kane ka sngi la buh khnang kum ka sngi shuti na ka bynta ba don ka Election MLA 2018 sha ka iing dorbar thawain. Dei halor kane ka daw ba ki bank, ki iing bishar, ki ophisar jong ka sorkar jylla bad kum juh jong ka sorkar ne ki karkhana kin khang ha katei ka sngi.