U Dr Mukul nongialam kaliang pyrshah haba kynnoh dei ban pynshisha: James

Shillong, Nailur 04: U James K Sangma myntri ba dei peit ia ka tnad kam bording jong ka sorkar jylla u la ong ba U Dr Mukul Sangma nongialam ka liang pyrshah haba u kynnoh dei ban ai ia ki jingpynshai.

Haba kren ha ki lad pathai khubor mynta ka sngi, halor ka jingkynnoh jong u Dr Mukul Sangma ba ka don kata ka jingia bam sap ha kaba pyntrei kam ia ka skhim sam light sha ki nongkyndong ia kaba la tip kum ka “Suabhagya”.

U Myntri ba dei peit ia ki kam bording, u la ong ba ka jingkren jong u Dr Mukul ka long kyllum bad kam don kano kano ka jingpynshisha, ia kane ka rukom kynnoh lah ban shu kynnoh, u sngewlyngoh ba ha ka kyrdan u Dr Mukul un kren kumne.

Haba ia dei bad ka jingïapher ia ka dor na ka tender, u myntri ba dei peit ia ka tnad kam bording u la pynshai ba ka dor ha ka por ba khot tnder ka dei ka dor kaba rim ha kaba kam ia hap shuh bad kane ka dor kaei ka dor kaba mynta, kam shym don kano kano ka jingleh bakla na ka sorkar. Kane ka jingkynnoh ka long kaba khlem nongrim la ong u myntri ba dei peit ia ka tnad kam bording.

 

 

What Next?

Recent Articles

Leave a Reply

Submit Comment

*