Shillong, Naiwieng 09: U Bah Enbin Kharraswai General Secretary ba rim jong ka seng HSPDP, u la rai ban ia khun ia ka Election MLA ha u snem 2018, wat la ka party kala dep ban ai ia ka tiket ha u Bah Renikton Lyngdoh na ka Mawkyrwat Konstitwensi, na ka liang jong ki nongkyrshan jong ka party kim lah ban pdiang ia kane ka rukom ai tiket.
U tei u nongialam barim jong ka seng HSPDP, u la ong ba un ia khun ia ka MLA Election ha u snem 2018, hynrei ym pat ong pat na ei un ia khun namar na ka party kaba u juh don ia ka tiket la dep ban ai shawei. Ki nong kyrshan jong ka party HSPSP kila ia rai ban pynieng ia la u jong u briew ban pyrshah ia kane ka jingleh jong ka party.
U Bah Enbin u la kam ba ha ka por ba ia pan tiket na ka liang jong ki shnat jong ka seng HSPDP kila ai ka jingkyrshan ia u hynrei ha ka por ba rai ban a tiket la ai sha u Bah Renik. Wat la ym lah shuh ban ioh ia ka tiket hynrei na ka liang jong ki nongkyrshan ka SHPDP kila rai ban pynieng ia la u jong u briew, ha kaba ma u un long u kyrtong la ong u Bah Enbin.