Shillong, Iaiong 02: U Campbell u wei na ki nongialehkai bala poi sha ka jingiakhun ha Olympic na ka ri Australia haba wan sha ka jinghikai ha ka sngi kaba ar jong Elite Pathway Programme (EPP) la ong ba ki samla kane ka jylla Meghalaya ki don ia ka sap ka phong bad shen kin ioh ban shah jied ban ia shim bynta ha ka jingialehkai Olympic.
Kane ka jingai jinghikai kala poi sha ka sngi kaba ar mynta ka sngi ia kaba la pynlong ha jaka jong ka SAI kaba don ha NEHU ia kba la pyniaid da ka Meghalaya State Olympic Association da ka jingiatreilang bad ka tnad ia lehkai jong ka sorkar Meghalaya.
Ha kane ka sngi u bah Paia B War Nongbri Assistant Director ka tnad ialehkai u la leit jngoh ia kane ka jingai jinghikai ban ai mynsiem ia ki khun samla bad u khmih lynti ba ki samla pule kin sa dang kiew na kane ka jingialehkai ha ka jylla.
Ki samla kiba la shah jied ban wan sha kane ka jingshah hikai kaba lai sngi ka ban kut la shai ka sngi ki don 200 ngut, ha kane ka jinghikai ki samla kiba pyniiala ki sap kaba ki don, u tei nongialehkai ka ri Australia na ki 9 bnai ba u don ha India , lai bnai shiteng u la don ha Meghalaya.
La shai ka sngi u nongialehkai world cup na ka ri Denmark bad u ba don ha ka Manchester United u Jesper Olsen un don bynta ha ka jnghikai ha ka jingialehkai kynjat ball, ia mynta ka thong hi ka long ban ioh ia ki samla ban ioh ia lehkai ha ka Common Wealth.
