Shillong, Iaiong 03: U Bah Boss Swel Khongthohrem rangbah shnong Nohwet, Riad Rangbah Khyriem Syiemship u la phah da ka jingujor sha ka ophis jong u Deputy Commissioner jong ka East Khasi Hills District halor ka jingdie tam dor u nongsam khaw rashon hapoh shnong bad ka jingot kilo.
Ha ka jingujor kaba la phah sha ka DC u Bah Khongthohrem u la ong ba katkum ka jingujor kaba u la ioh pdiang na ki nongbam rashon jong ka shnong Nohwet kumba kila phah sha u da ka jignthoh ryngkat ki kyrteng kiba la don lang u leit ban ujor ia u nongsam khaw ba dei hapoh ka shnong.
Ha kane ka jingujor u la kdew ba u Bah Sahnam Diengdoh bad u rangbah shnong ba shipor u Bah Bitlinwell Khongthiem bad ka kynhun jong u kila bthah ia u nongsam khaw kuma la paw ha ka Video ba u dei ban die ia u khaw AAY kaba la buh ka sorkar T.3.00/- tyngka ban die noh T.5.00/- tyngka shikilo.
Ym tang kata ia u khaw AAY u ba ki nongbam khaw ki dei ban ioh 35 kilo la khate noh haduh 10 kilo ha kaba ki nongbah khaw ki ioh noh sa tang 25 kilo, halor kane ka jingujor kum u rangbah shnong u la leit ban ujor sha ka ophis jong ka DC ba kan tuklar lem ia kane ka kam leh donbor, katkum ka ain.
