U ka FKJGP ka dei ban ia treilang bad ki bor ka ain ban kem ia kiba shoh briew: Ernest

Shillong, Risaw 29: U bah Ernest Mawrie State President ka BJP u la pynnrem jur ia ka jingshah shoh ki riew paidbah ha ka por ba pynlong ka FKJGP ia ka jingiaid paidbah ha ka sngi thohdieng ha kaba ki khynnah skul bad wat ia ki nongthoh khubor ruh khlem map shuh.

Haba sngap ia ka jingpan map u President ka seng FKJGP kam pat long kaba biang, hynrei kum ka seng ka dei ban wan sha khmat ban kdew ia ki nongleh kam sniew kiba la shoh la dat ia ki nongleit nongwan bad ban aiti ia ki sha ki bor jongka ian. Ha ka juh ka por u kyntu ia ki dkhot ka seng ba kin ia treilang bad ki pulit ban kem ia ki nongleh kam sniew.

U bah Ernest u la ong ba ka seng FKJGP ka dei ban ia treilang bad ki bor ka ain namar ki katto katne kila pynjah burom ia ka seng, katei ka jingjia kala pynbud nam ia ka sor Shillong bad ia ka jylla Meghalaya baroh kawei namar kane kala saphriang sted kum ka ding baklang, ki bor ba halor jong ka BJP ki sngew khia bha ia kane ka jingjia.

Ha ka juh ka por ka seng ka dawa na u myntri kam poh iing ka jylla ban thung ia ka kynhun tohkti halor kane ka jingjia namar ki pulit ha kane ka por ki long kum ki nongpeit kai, ka jingkylli kumno ki briew ka ain kin kylla tang ki nongpeitkai.

Ka BJP ka daw ruh ba ka sorkar ka dei ban peit ia ka jinglut bad jingduh kiba la jia ha katei ka sngi ba ka seng FKJGP ka pynlong ia ka jingiaid paidbah bad ha ki jingiaid paidbah ym dei ban shah ban kah dur khmat. Kane ka long ka kyrwoh kaba la phah da u President u bah Ernest Mawrie.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet