U kyrtong ia monlang u dei ban ia khun ia ka MP Ilekshon um dei ban long na ka party: Hek

Shillong, Naiwieng 02: U Bah AL Hek nongialam jong ka seng BJP u ba dei ruh u myntri ka koit ka khiah ha kane ka sorkar MDA, u la pynsngew ba u kyrtong iamonlang  u dei ban ia khun ia ka MP Ilekshon ym dei ban long na kano kano ka party, u dei ban long u kyrtong shimet ban kyrshan da ka MDA lane yn ia khun na ka kynhun NDA.

Haba kren ha ki lad pathai khubor mynta ka sngi ha ophis treikam, u la ong ba ka jingkren jong u myntri rangbah ka jylla u Conrad K Sangma ban bethah ia ki party kiba ia don ha ka sorkar MDA ba kin ia kren shuwa hapoh ka party ia u kyrtong MP bad sa wanrah sha ka MDA ka dei kaba dei.

Haba phai sha ka party BJP kaba don lang ha kane ka kynhun MDA, u la ong ba ka BJP ka dei ban pyniakhun ia ka MP Ilekshon ha kane ka jylla na baroh ar tylli ki parliament Konstitwensi, 1-Shillong bad 2-Tura, kane ka dei ka jingkwah jong u, hynrei ka rai kaba khotduh ka shnong ha ka party.

U bah Hek u la kam ba ka BJP mynta ka don ha ka thong ban jop ia ka MP Ilkeshon, namar ki don ki nongtrei ka party ha baroh ki shnat. U la ong ba ka MP Ilekshon bad ka MLA Ilekshon ka don ka jingiapher, ia ka MLA Ilekshon ki briew ki but ka jingiadei jong ki bad ha ka MP Ilekshon, ki paidbah ki peit ia ka jinglah treikam ka party.

La ong ba ha ka MP Ilkeshon 50% ka dei ka but jong u kyrtong bad 50% ka dei ka vote jong ka party bad ka BJP mynta ka don ia katei kaba don kam na ka bynta ka MP Ilekshon bad ka jingjop kan long jong ka BJP ha kane ka kynti kaba mynta ia ka MP Ilekshon.

Halor ka jingmih ha ki lad pathai khubor kumba la kren da u Bah Bindo N Lanong ba lada ka MDA kam kyrshan ia u kyrtong MP kaba ka UDP ka tyrwa kan ktah wat ia ka sorkar MDA, halor  kane u bah Hek u la ong ba ka Ilkeshon MP kan nym ktah ia ka sorkar MDA. Ia kane kala paw shai na ka MLA Ilekshon kaba dang shu dep ha Ranikor.

What Next?

Recent Articles

Leave a Reply

Submit Comment

*