U Lat ka jylla u long u ba la kloi ban leit sha Delhi bad u Myntri Rangbah ban ia kren ia ka ILP

Shillong, Nohprah 04: Mynta ka sngi ka kynhun Confederation of Meghalaya Social Organisation (CoMSO) kala ia kynduh ia u Lat jong ka jylla u Satya Pal Malik ban ia kren halor ki ar tylli ki phang , ka Meghalaya Resident Safety Security (Amendment Bills) 2020 bad halor ka jingdawa ia ka Inner Line Permit ha ka jylla Meghalaya.

U Shongknor jong ka CoMSO u bah Ribertjune Kharjahrin haba kren ha ki lat pathai khubor ha khyrdop iing jong u Lat ha dien ka jingia kren bad u Lat ka jylla halor kitei ki ar tylli ki phang ha kaba u Lat u la sngap bad u la pynpaw ba kum u Lat jong ka jylla u don ia ka juh ka jingsngew kum ba don u Myntri Rangbah ka jylla.

U Bah Kharjahrin, u la ong ba ha kane ka jingiakren na ka liang jong u Lat ka jylla u la pynpaw ba na ka liang jong u long u ba la kloi ban ai ia ka jingmynjur ia ka MRSS (Amendment) Bill, 2020 lada ka tnad kam poh iing ka sorkar pdeng ka ai ia ka jingmynjur.

La ong ba kum u Lat jong ka jylla u sngewthuh ia ka jingnagnud jong ki paidbah ka jylla bad u don ryngkat bad ka jylla, u la ong ba kane ka MRSS(Amendment)  Bill, 2020 ka don bad u Lat ka jylla, hynrei namar ba kane ka kam mynshuwa kala poi sha ki tyndongskhor jong ka tnad kam poh iing u hap ban ioh ia ka jingdak na ka tnad kam poh iing ka sorkar pdeng.

Haba ia dei bad ka jingdawa ban pyntrei kam ia ka ILP ha kane ka jylla na ka liang jong u Lat ka jylla u la ong ba kane ka dei ka kam ka hap ha u President jong ka Ri India, um don ei ei ban kren hynrei u la pynpaw ba lada u Myntri Rangbah ka jylla u khot lang ban ia leit sha Delhi ban ia kren bad ka sorkar pdeng u lat ka jylla u la pynpaw ba  long u ba la kloi ban ia leit lang bad u myntri rangbah ban ia kren halor ka ILP.

Ha kajuh ka por na ka liang jong u lat jong ka jylla u la pynpaw ba u burom ia ka rai jong ka rai jong ka iing dorbar thawain ka jylla bad ia ka jingnangud jong ki paidbah, la ong ba ka ILP ka dei ka kam jong u President ka Ri India bad ka kam jong ka sorkar pdeng.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet