U MLA barim u Dr Jemino u bud dien ia ka NWSS, kam don jingiadei bad ka GSWSS-III

Shillong, Nohprah 14: Ki nongialam jong ka party UDP na Nongthymmai kila ong ba u MLA barim u Dr Jemino Mawthoh u dien ia ka skhim Nongrah Water Supply Scheme ia kaba la ioh ia ka jingmang pisa ha ka por ba u dang long u MLA, kane kam don jingiadei ei ei ruh em bad ka Greater Shillong Water Supply Scheme-III.

U bah Desmon K Mawphlang, haba kren ha ki lat pathai khubor mynta ka sngi ha Shillong Press Club, u la ong ba ki jingkynnoh jong u bah Bawan Khyriem Block President jong ka seng Congress , ha kaba u la ong ba wat ia leh politik ia ki kam pynroi.

U bah Desmon general secretary jong ka party UDP Nongthymmai, u la on ba na ka liang jong u MLA barim u Dr Jemino Mawthoh u khlem ia leh politic hynrei u shu bud dien ia kane ka skhim kaba la mang T.5.92 klur kaba dei thik tang ia ka Nongrah kaba la wan na ka National Rural Water Supply Scheme ia kaba la ioh jingmynjur ha ka 31/ Lber 2017.

U bah Edwin Sing Pyngrope u wei na ki nongshong shnong ka Nongrah u la ong ba kumba ka long mynta ka skhim um kaba la poi hapoh ka shnong Nongrah ka dei tang kaba la pynioh da u MLA barim u bah Sanbor Swer Lyngdoh bam kwai ha dwar u Blei bad kane kaba la pynioh da u Dr Jemino lait na kata kam pat don skhim um hapoh ka shnong Nongrah.

Kine ki nongialam jong ka UDP mynta ka sngi kila ong ba ki kwah ban kren tang ia kane ka Nongrah Water Supply Schme, ia kata ka GSWSS-III kaba dei na ka bynta ka shnong Mawlynrei, Nongrah, Umpling bad Sohryngkham ia kata kim don jingtip ei ei ki kren ia ka NWSS namar u nongialam ka party Congress u la kren wat ialeh politic ia ki skhim pynroi, kine ki nongialam ka UDP kila kyntait ia katei ka jingkynnoh.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet