U MLA jong ngi u Martin Danggo u hiar shuki ban myntoi u paidbah: Kitborlang

Bah KitShillong, Jylliew 22: U Bah Kitborlang Nongrem, u la ong “U MLA jong ngi u Martin M Danggo u la hiar shuki ban myntoi u paidbah, ban ioh ia ka Ranikor Civil Sub Division ia kaba la buh ban plie ha ka 10 tarik mynta u bnai”.

Halor ka jingong kiba bun ba kan shitom bha ia u Martin M Danggo lada ka wan ka elekshon shiteng samoi, na ka liang jong u Bah Nongrem u wei na ki nongialam jong u Martin, u la ong ba baroh ki elekshon ki long kiba eh la ka dei ka general election ne ka elekshon shiteng samoi.

Hynrei kum ka kynhun ka long kaba la khreh ban ia kynduh ia ka elekshon shiteng samoi, ia ka jingkwah jong kiwei ki party ban pynieng kyrtong kata kin nym don kano kano ka jingong, hynrei ki pdiang sngewbha ia baroh kiba kwah ban ia khun ia ka elekshon MLA shiteng samoi na ka 35-Ranikor ST Assembly Constituency.

Haba ia dei bad ka jinghiar shuki jong u MLA jong ka Ranikor u la ong ba na ka bynta ka jingmyntoi u paidbah kampher wad lada hap ban bujli uniphom ruh. Kum ki nongkyrshan ki pynpaw ia ka jingsngewnguh ia u Martin M Danggo u ba la hiar shuki na ka bynta ka jingmyntoi jong ki paidbah.

Kam dei kaba suk ban iehnoh ia ka shuki MLA, hynrei u Martin u la shim ia ka sienjam kaba khraw ban pynioh ia ka Ranikor Civil Sub Division da kaba len lade ban hiar na ka shuki MLA. La ong ba ka jingdawa ia ka Ranikor Civil Sub Division ka long na duh u snem 2007 la bun ki dorkhas kiba la ai sha ki sorkar kiba la leit noh hynrei kam shym don kano kano ka dak ka shim wat la ki la dong lang ha ka juh ka party Congress.

Hynrei haba kila ia kren bad kane ka sorkar kaba mynta ha ka 25th Jymmang 2018, ka sorkar kala pdiang ia kane ka jingiakren bad kum ki nongkyrshan kila kyntu ia u MLA ban hiar shuki noh na ka bynta ka jingmyntoi jong u paidbah ha kaba u la ai ka jingmynjur bad u la pyni ruh ia ka kam da kaba hiar shuki.

La iathuh ba mynta ka sngi pat la phah ia ka shithi ienoh kam na ka seng Congress na ki kam kiba u bat baroh hapoh ka party bad ia kane ka shithi la leit ban ai sha u Working President jong ka seng u Bah James Lyngdoh.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet