U Myllung Soso Tham dei u nongiathuh lypa ong u Lamphang ka iing dorbar thawain ka Jylla

Shillong, Nohprah 18: U Lamphang ka iing dorbar thawain ka jylla u bah Metbah Lyngdoh mynta ka sngi la ong ba u Myllung Soso Tham u dei u nongiathuh lypa bad kane ka paw na ki jingthoh kaba la thoh.

Haba kren kum u kongsan ha ka jingialang ban kynmaw burom ia ka lyngkhuh sngi iap kaba 81 mynta ka sngi la ong ba u ai khublei kyrpang ia ka Khasi Authors Society kaba la pynlong ia kane ka jingleh burom kaba la pynlong ban ioh ia kane ka lat ban ia don lang ban rakhe ia kane ka sngi.

U Lamphang u la ong ba u dap da ka jingsngewkmen ban iohi ba shibun ki samla kiba la pass bha ha ka ktien khasi, kaba sngewsih pat ka long bay m beit shuh ka kren khasi, la ong ba lada ka ktien kam don shuh ka jaidbynriew ruh kala duh.

Haba ia dei bad jingppynkhreh ka KAS ban pyndep ia ka Dikshonary Khasi hapoh lai snem kan long ka jingkyrkhuh ia ka jaidbynriew, u Lamphang u la ong ba ki dang don ki ktien kiba u Babu Soso Tham u la thoh dang don kam ban ia pule bniah.

Haba ia dei bad ka jingialeh ban pynrung ia ka ktien khasi ha ka khyrngit kaba phra jong ka Riti Synshar jong ka Ri India kin dang iai bud dien ia kane ban pynurlong, u Lamphang ka iing dorbar u la sot rtuh ia ka jingthoh “ Ngi im ha kawei pat ka sngi, ngim tip shano kan poi ka Ri”.

U Lamphang ka iing dorbar la ong ba ka long kaba kloi ban ia bud tynneng ia jong kiwei, kam biang, hynrei kan biang ruh ban sngew sarong ban riam iala ka jong ka riam tynrai, u Lamphang  u la ong ba um kwah ban kren hynrei u myllung u la thoh “ Ngin sa long tang ki nongtong um bad nongthoh dieng jong no re”, bad u kren ia kitei ki ktien.

U Lamphang u kyntu ia ki paidbah ban pule ia ki kot khasi bad ban ia pule ia ki kot khubor khasi, kum ka jaid bynriew kan dang tang 15 lak ngut ei ei, la ong ba u da sngew kmen eh ba ka KAS ka dei ka seng ban pynneh pynsah ia la ka jong ka ktin la jong. Ha kane ka sngi u Lamphang la sam ruh ia ki khunsam sha kiba pass bha ha ka ktien Khasi na ka HSLC bad SSLC.

Ha kane ka sngi la pynlait paidbah ruh ia ka kot bala thoh da ka Prof badaplin War ia ka kyrteng ka kot la ai kyrteng da ka “ Ha ki thapniang ki Por” ha kane ka sngi la dong lang ruh kiba ha iing ha sem jong u Babu Soso Tham, ki dkhot  jong ka seng KAS. U Dr DRL Nonglait u la kren ia ka jigntrei kam ka seng bad halor ka kot.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet