U Myntri ka DoNER  u la kdew  katto katne ki kam na ka bynta ka roi ka par ha ki jylla N.E

New Delhi, Risaw 08: U Myntri Sorkar Pdeng ba dei khmih ia ki tnat Development of North Eastern Region, Tourism, Culture, G. Kishan Reddy u la ai jingkren ha ka Plenary meeting kaba 70 jong ka North Eastern Council (NEC)kala la long ha Guwahati.

Ha ka jingkrenia ki ophisar na ki phra tylli ki jylla ka thain shateilammihngi bad ki tnat Sorkar Pdeng, u Kishan Reddy u la kdew sha katto katne ki kam ba kongsan na ka bynta ka roi ka par ha kane ka thain.

U la ong ba ka Sorkar India ka la trei shitom ban wanrah ia ka jingshongsukshongsain, kyntiew ia ki lad pyniasoh ha ka thain bad ka la ioh ia ka jingjop ha kine ki kam. U la ong ba ka dei ka jingngeit skhem u Myntri Rangbah Duh, Narendra Modiji ba khlem ka roi ka par ha ka thain shateilammihngi, ka India kan ym ioh ia ka roi ka par.

U la ong ba ka thain shateilammihngi ka la poi sha ka ‘AmritSamay’ jong ka bad ba ngi dei ban shim kabu ia kane bad plielut ia ki lad na ka bynta ka roi ka par. U Myntri u la ong ia ki ophisar ba ka thong ban pynkylla ia ka thain shateilammihngi sha ka kor jong ka roi ka par jong ka India ka dei kaba lah ban urlong tang lyngba ka jingiatreilang pura hapdeng ka Sorkar Pdeng bad ki Sorkar Jylla.

U la ong ruh ba baroh kiba donkti ha kine ki kam, ka Sorkar Pdeng, ki jylla, ki briew bad ki kynhun shimet ki dei ban iatreilang bad peit bniah ia ka jingkyntiew shuh shuh ia ki jingdon jingem bad ki lad pyniasoh ha ka thain.

U la ong ba ka jingpyndonkam pura ia ka 10% GBS na ka bynta ka thain shateilammihngi ka dei ka lad sha ka roi ka par kaba stet. Ka jingpeit man ka por ia ka jingpyndonkam ia ka 10% GBS ka dei kaba donkam ha ryngkat ka jingpynkylla ia ki polisi.

Ka jingpynbeit ia ka jing duna data bad ka jingiatreilang bad ki tnat Sorkar Pdeng ka dei kaba hap leh, u la bynrap. U la kyntu ruh ia baroh ki ophisar jong ki sorkar jylla ba kin ai jingmut ban pynthikna ia ka jingpyndonkamtista, kum ka jingpynkylla ia ki polisi, ki kyndon treikam bad kiwei kiwei.

U la ong ba ka Agri Task Force kaba la thung dang shenkan sa pyllait ia ka kaiphod kaba khatduh jong ka. U la ong ba dei ban pyndonkam ia ki jingshem jong kane ka task force ban pynthikna ia ka jingpyndonkam pura ha une u snem mang tyngka ban wan.

U Myntri u la ai jingmut ruh ba dei ban peit ia ki jingkhlain bad ki jingtlot bad wad ia ki jingduna ha ki kam ba kongsan. Kane kan iarap ia ki kam ka roi ka par. U la ong ruh ba haba jied ia ki bynta jong ki projek kum ka NER district-wise SDG index, ki aspirational district, ka jingpyniasoh ia ki jaka nongkyndong bad ki jaka bapher bapher, dei ban peit ia ka jinglong ha kaba iadei bad ka jingduk. U la kyntu ia ki ophisar ba kin peit ia ka rukom ai tender bad ka jingpeit ia ka jingpyntreikam.

Ha kaba iadei bad ki kam jngohkai, u Myntri u la ong ba ka tnat DoNERka dang seng ia ka Tourism Task Force ban pynthikna ia ka jingplie lut ia ki lad kiba don ha kane ka thain. U la ong ba ka jingkyntiew ia ki jingdon jingem kiba iadei bad ka kam jngohkai, ka jingpyntbit ki dei ki kam kiba kongsan ban kyntiew ia ki kam jngohkai ha ka thain.

U la ong ruh ba dei ban peit ia ki lad kiba don ha ki kam security na ki kam pahara khnang ban plie lad ioh kam ia ki samla ka thain.U Myntri u la ban jur ruh halor ka jingdonkam ia ka jingbei tyngka ki briew bad ki kynhun shimet.

U la ong ba ka Sorkar Pdeng bad ki Sorkar Jylla ki dei ban iatreilang ban plie lad na ka bynta ka jingbei tyngka ha ka thain. U la ong ba dei ban wad ia ki kam ba kham kongsan bad dei ban trei ban kyntiew ia ka jingbei tyngka ha ka thain bad pynbeit ia ki jingeh ha kine ki kam.

U Myntri u la ong ba dei ban pynlong shenia ka Global Investors Summit na ka bynta ka thain shateilammihngi bad ba baroh ki Sorkar Jylla ki dei ban sdang ia ki kam ban plie lad ia ka jingbei tyngka.

Ki sienjam kum ka jingpynkylla ia ki polisi ban iahap bad ki nongbei tyngka, ka jingpynkylla digital ia ki jingtip shaphang ki jaka puta, ka jingdon jingtip shaphang ki jaka, ka jingpynsuk ia ki kam, ka jingwanrah ia ka single window clearance system.

Ka jingai jingtip shaphang ki projek ba lah ban bei tyngka, ka jingseng ia ki facilitation centre ha man ka jylla na ka bynta ki nongbei tyngka, ka jingbei tyngka ha ki surok, ka bording, ka jingpynpoi um bad kiwei kiwei ki dei kiba hap ban leh, u la ong. U la kyntu ia ki ophisar ba kin trei ha kine ki kam bad saindur ia ka rukom treikam na ka bynta ka Global Investors Summit ha kine ki bnai ban wan.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet