Shillong, Nailur 29: U myntri khynnah ka sorkar pdeng u Prof S P Singh Baghel ha ka jingwan ka jong u ha Shillong, u la ong ba ha Meghalaya ki mukotduma ki duna bha ban ia nujor bad kiwei ki jylla ha ka Ri India.
Haba kren ha ki lat pathai khubor ha dien ka jingialang bad ki briew na ka tnad ain jong ka sorkar jylla, ki dkhot jong ka Meghalaya State Legal Service Authority bad ki dkhot jong ka Bar Council ha Shillong la ong ba kane ka jingwan ka long katkum ka jingbthah u mytnri rangbah duh ka Ri India u Narendra Modi.
U Myntri ka tnad ain ka sorkar pdeng la ong ba ki myntri ki dei ban wan sha kane ka thain shatei kam mih ngi jong ka Ri India ban wan peit ia ki jingpyntrei ia ki skhim jong ka sorkar ban peit ba ia ki skhim dei ban pyntrei ha ka rukom kaba dei.
Kane ka jingiakynduh bad ki dkhot ka State Legal Service Authority, u la ong da kane ka jingiakynduh ka long ban sngewthuh ia ka jingtrei kam ki iing bishar ha Meghalaya, u myntri ka sorkar pdeng u la ong ba u sngew kmen ba ka jylla ka duna ki kam dakaid ban ianujor bad kiwei ki jylla ha ka Ri India.
Kaba sngewtynnad eh ka long ba ha kane ka jylla Meghalaya kam don mukotduma pyrshah ia ki kam “Dawri” bad kumba ka long ka jylla Meghalaya ka dei ka jylla kaba don hapdeng ka jingsuk namar ki riew paidbah kim don jingiaidei bad ki nonglehkam sniew. La ong ba ka jingbei pisa ban tei ia ki iing bishar ka long ha ka jingbei pisa kaba 60:40%.
Na kane ka jingialang mynta ka sngi ka long ba ha Meghalaya ki pulit kim juh kyntait ban register haba don kiba ujor ia ka ejahar, katba ha ki jylla lam shatei jong ka Ri India ki paidbah ki hap ban ujor sha iingbishar register ia ki ejahar. U myntri u la ong ba ki pulit ki dei ban tohkit ia ki kam sniew.
U myntri la ong ba ka sorkar pdeng ka shim khia bha halor ki kam sniew pyrshah ia ki kynthei, khynnah, ka sorkar ka kwah ban ai ka jingbishar kaba kloi ban pynduna ia ki jingjynjar ka ain Protection of Children from Sexual Offences (POCSO) Act, 2012 kala iada na ka jingshah thombor ki kynthei khynnah.
U myntri la ong,haba ia dei bad ki jingdih drok ha ka jylla la don kam ban don ia ki jaka peit bniah kiba katkum kane ka juk stad kaba mynta bad kane kan iarap ban kloi ban ioh ia ka rai ban pynrem ia ki nongleh kam sniew da ki iing bishar.
