Shillong, Jymmang 17: U Myntri Rangbah ka jylla u Conrad K Sangma mynta ka noh phai sngi u la pyntip ba ka Rel kaba wan na Gujarat kala poi ha Guwahati baroh kiba la wan ki long 155 ngut bad ki briew jong ka sorkar kila don ha katei ka jaka ban pdiang sngewbha ia ki.
Na ka liang jong ka sorkar jylla kala pynkhreh ia ki Bus ban ialam ia ki briew sha la ki jong ki jong ki District bad ki shnong kaba ki sah. Katkum ka jingregister baroh ki briew jong ka jylla Meghalaya kiba don ha Gujarat ki long 250 ngut kiba wan poi mynta ki long 155 ngut.
Kane ka Rel kaba wan na Gujarat kaba la poi ha Guwahati mynta ka sngi kala mih na katei ka jylla ha ka 15 tarik mynta u bani. Kawei pat ka Rel kaba la mih na Bangalore mynin ha ka 16 tarik kan poi la shai ka sngi ha Guwahati hakaba ki ban wan phai kin long haduh 1500 ngut kumba la iathuh da u Deputy Chief Minister ha kine ki sngi.
