U Naiwieng u dei u bnai ba ka balang katholik ka duwai ia ki mynsiem ba la khladnoh

Shillong, Naiwieng 02: Ka Balang Katholik, kala buh kyrpang ba u Naiwieng, u dei u bnai ban duwai kyrpang ia ki mynsiem kiba la khladnoh na kane ka slap pyrthei. Kane ka jingkynmaw ia kiba la khlad noh ha une u bnai ka long ban duwai na ka bynta ki mynsiem ba kin ioh noh ia ka jingjah thiad bymjuhkud ha Bneng.

Kum ki riew ngeit jong ka Balang Katholik ki ngiet ba ha dien ka jingkhlad noh na kane ka sla pyrthei ka mynsiem ka leit phai biang sha u nongbuh nongthaw, hynrei ka mynsiem kan nym lah ban poi lada ka don ka lait ka let ha ka jingim katba dang don ha kane ka sla pyhrthei.

Ha ka jingneit jong ka Balang katholik, kum ki khristan ki don ha ki lai bynta, ka Balang ha ka pyrthei, ka balang kaba dang don ha ka jingialeh kaba mut ha dieng pynkhuid bad ka balang kaba la jop, ki mynsiem kiba la poi sha khmat u blei.

Ka jingbuh ia u Naiwieng ban kynmaw kyrpang ia ki mynsiem kiba la khladnoh ka long ban duwai kyrpang ia baroh kito kiba la khladnoh na kane ka sla pyrthei ba ioh leh se ki dang don hapdeng ka jingialeh hapoh dingpynkhuid ban duwai na ka bynta ka mynsiem jong ki.

Ka jingkyrkhu ia ki lum jingtep hapoh ka Balang Katholik ka long ha baroh ki jaka ba don ki lum jingtep jong ki para bangiet bad ia kane la juh pyndep mynta u bnai ha ki parish bad ki shnong baroh da ki briew kiba la jied jong ka balang.

Mynta ka sngi da ki hajar ki riew ngiet jong ka Balang Katholik kila leit ban duwai na ka bynta kiba ha iing ha sem kiba la khlad noh kiba don ha ki lum jingtep bapher bapher ha kylleng sawdong ha ryngkat ka jingleh niam leh rukom.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet