U President ka NPP u Conrad u ong ba ha ka jylla Mizoram kan wan ka sorkar synrop

Shillong, Risaw 28: Ka ilekshon MLA hapoh ka jylla Mizoram ka ban sa long shen, kan nym don kawei ka party ban ioh ia ka jingbun paid ban synshar marwei kan wan ka sorkar synrop la ong u Conrad K Sangma President jong ka NPP, u ba dei ruh u myntri rangbah ka jylla Meghalaya.

Haba kren ha lad pathai khubor mynta ka ka sngi ha Shillong, u Conrad  la ong ba haduh mynta na ka liang jong ka seng NPP kila dep ban pynbeit ia ki kyrteng jong ki kyrtong haduh 12 ngut ha ka iing dorbar kaba 40 ngut, ha kine ki sngi kin dang pynbna shuh ia ki kyrtong ha kane ka MLA Ilekshon ha ka jylla Mizoram na ka seng.

La iathuh ruh ba u la don u wei u MLA u ba la wan rung sha ka seng NPP mynnin ka sngi bad ia ka kyrteng bad ia ka konstitwensi kaba u mihkhmat ym pat lah ban ioh thikna, hynrei u Conrad u la pynthikna ba don u wei u MLA bala rung sha ka NPP.

U Myntri rangbah ka jylla Meghalaya u la ong ba ka party NPP kan sa don ia ka bynta kaba khraw ban thaw ia ka sorkar hapoh ka jylla Mizoram.

What Next?

Recent Articles

Leave a Reply

Submit Comment

*