Shillong, Nohprah 29: U bah Remingtone Pyngrope MLA jong ka Mawkynrew na ka party UDP ha dien ba u la dep ban hiar shuki kum u MLA, u la kynthoh ba u president jong ka UDP u Dr Donkupar Roy ym pat long u ba bit ban long kum u myntri rangbah ka jylla lane u ta u Chief Minister ka jylla.
Haba kren ha u SP News Agency, u bah Pyngrope, u la ong ba ki daw kiba la pynlong ia u ban mih noh ka aparty UDP ka long ba kum u MLA jong ka UDP ha kine ki shiphew snem kila don ia ka lad ban ia don ha ka sorkar, ha kaba u Dr Donkupar u long u myntri rangbah ka jylla hynrei ha ka shisnem jong ka jinglongmyntri rangbah ha ka jaka ban pynioh kham bun ki surok u weng lut noh wat ia kaba la don sanction ruh.
Kawei pat ka daw ka long ba ka jingiatehlok hapdeng ka HSPDP bad ka UDP, kala pyntroin ia ka party UDP, kum ka Mawkynrew kaba u long u MLA la shiphew snem hynrei ka party ka ailad ia ka HSPDP ba kan ia khun na kane ka jaka, kane ka pynishai ba kum u president jong ka party u Dr Donkupar ymlah ban iada iala ki jong ki MLA.
Haba phai sha ka sain pyrthei ha u snem 2018, ban ia khun pyrshah ia ka seng Congress khamtam ia u Dr Mukul dei tang ha NPP kaba lah ban leh ia kata bad kan wan ruh ha ka por ha u snem 2018, u Bah Remingtone u la ong ba hapoh ka jingialam jong u Bah Prestone Tynsong ban ia khun pyrshah ia ka seng Congress.
