Shillong, Nailur 08: U Bah Hamlet Dohling president barim jong ka Youth Wing jong ka UDP, mynta ka sngi u la pyniasoh noh ia lade bad ka seng PDF ha ka jingialang paidbah kaba la long mynta ka sngi ha Umlyngka lem bad ki nongkyrshan jong u.
Ka jingmih noh jong u Bah Hamlet na ka seng UDP ka long ba ha dien ba kala don ka jingiatehlok hapdeng ka party UDP bad ka party HSPDP, ka UDP kala ai ia ka Mylliem Constituency ba ka seng HSPDP kan pynieng kyrtong na kane ka Constituency, ha kaba ka kong Telinia Thangkhiew ka long ka kyrtong jong ka HSPDP kaba dei ruh ka MDC hapoh jong ka KHADC.
Ha kane ka jingialang paidbah kaba la long mynta ka sngi ki nongialam jong ka seng PDF naduh u President u bah Ibanlumlang marbaiang bad kiwei kiwei ki nongkit kam jong ka seng kila ia don lang ha kane ka sngi kaba 200 ngut ki briew jong ka UDP kila leit ban pyniasoh bad ka PDF ryngkat bad u nongialam jong ki.
Da kane ka jingleit ban pyniasoh bad ka PDF, ka la pynthikna ba u Bah Hamlet Dohling un ia khun na ka party PDF ha kane ka Election MLA kaban long ha u snem 2018 sha ka iing dorbar thawain jong ka jylla.
