Shillong, Kyllalyngkot 15: u Bah AL Hek ha dien ka jingiashong jong ka State Election Campaign Committee jong ka party BJP u la ong ba u myntri rangbah duh jong ka Ri India u Narendra Modi un wan ban ia lap election na ka bynta ka party BJP ha ki lai tylli ki District.
Haba kren haki nongthoh khubor ha dien ka jingialang, u bah Hek u la ong ba ka BJP kan pynieng kyrtong ha baroh 60 tylli ki konstwensi ha ka jylla Meghalaya bad u la kop ba ha kane ka kynti kaba mynta ka BJP kan ialam ia ka sorkar ha ka jylla Meghalaya. Ia ki kyrtong yn sa pynbna mar ia pynbna election ka Election Commission jong ka Ri India.
Haba jubab ia ki jingkylli ha kaba ia dei bad ka niam, u Bah Hek u la ong ba ki jingjia ki jia ha ki katto katne ki jaka bad ia kine ki jingjia umdei ban leh ka BJP, hynrei la shu pynbutnam ia ka BJP, u la ong ka jingshah thang ka jaka lehniam ki seng khasi ha Upper Shillong, Baniun hato la leh da ka BJP. Kaei kaba la jia ha Manipur ha pdeng ka balang Baptist bad ki Katholik.
U la ong ba baroh ki paidbah nongshong shnong jong ka Ri India long ka juh bad lada don mano mano ban leh bakla ka ain ka don ban pynshitom ia ki katkum ka ain. Ka BJP ka but katkum ka Riti Synshar jong ka Ri yn nym ban iaid lait na ka.
Haba ia dei bad ka jingmih noh ka jong u na ka seng Congress u Bah Hek u la ong ba ka Congress ka dei ka party kaba bha, hynrei kaba lapynsiew ka dei na ki nongialam jong ka party Congress kiba la leh bakla.
