U Prime Minister, u Modi yn sdang ialap elelction ha Meghalaya ha ka sngi Saitjain ha Madan Polo

Syiem Khynnah Hima NongkhlawShillong, Nohprah 09: U Myntri ka sorkar pdeng u ba dei peit ia ka tnad  Petroleum bad  Natural Gas, u Dharmendra Pradhan, mynta ka sngi u la pynthikna ba u Prime Minister  u Narendra Modi yn wan sha Shillong ha kane ka sngi sait jain ban wan ka 16 tarik Nohprah 2017 ban sdang ia ka jingialap election na ka bynta ka party BJP ha kane ka jylla Meghalaya ka ban long ha bas dang jong u snem 2018.U tei u myntri jong ka sorkar pdeng u la ong ba ka sorkar congress kan sa leit na kane ka jylla.

U national general secretary jong ka seng BJP ba dei peit ia ka dong shatei lam mih ngi jong ka Ri India u Ram Madhav, u la ong ba kane ka jingialang paidbah kaba la pynbeit na ka bynta u myntri rangbah duh jong ka Ri kan long ha Madan Polo ha ka por 12 baje shiteng sngi. U la kyrpad ia ki paidbah ba kin ia poi sha kane ka jingialap election u myntri rangbah aiu u don ban ong na ka bynta ban wanrah ia ki kam pynroi ha kane ka jylla Meghalaya.

La ong ba ha kane ka sngi baroh ki myntri rangbah jong ki jylla kiba la synshar da ka seng BJP ha kane ka thain shatei lam mih ngi jong ka Ri India, kum ka jylla Assam, Arunachal Pradesh, Manipur bad Nagaland, ryngkat ki myntri jong ka sorkar pdeng kin ia poi lang ha kane ka sngi.

Kane ka jingwan jong u myntri rangbah duh jong ka Ri India ban wan sdang ia kane ka jingialap election na ka bynta ka party ka kren shai kdar ba ka seng BJP ka don ka jingthmu ban kyntiew ia kane ka jylla kaba la synshar bakla da ka seng Congress la bun bun snem bad mynta hapoh ka jingialam jong u Dr Mukul Sangma.

Ha kane ka sngi une u nongialam jong ka seng BJP u kyntu ia baroh ki nongialam niam na kito kiba dang don ha ka niam tynrai kin aim khristan bad kinongialam seng bhalang ba kin ai ka jingkyrshan ia ka seng BJP na ka bynta ban wan rah ia ka roi ka par ha kane ka jylla.

 

What Next?

Recent Articles

Leave a Reply

Submit Comment

*