U Sohsaw na Ri lum Khasi u la  sdang  iaid iew bha sha ka ri Bangladesh

Shillong, Nailar 01: U Sohsaw na Ri Lum Khasi u la sdang iaid iew bha sha ka ri Bangladesh. Ia u Sohsaw la thied na iew deilang ha Iewduh bad kit sha khap border bad shallan sha Bangladesh.

Khlemd a pynpaw kyrteng, haba ia kren bad u SP News Agency, u wei na ki nongkhaii Sohsaw la iathuh ba u sohsaw na Ri Lum Khasi u iaid iew bha sha Bangladesh bad  kane ka jinglah ban pyniaid iew sha Bangladesh ka dor jong u soh saw u la kham kiew dor mynta.

La iathuh baroh shikatta haba u dang iaid tang sha Assam ka dor jong u soh saw ha iew dielang ha Iewduh ka long tang kum ba T.7 tyngka haduh T.15 tyngka shikilo, hynrei mynta ka dor ka long hadpeng T.25 tyngka bad 30 tyngka shikilo, kane ka jingiaid u sohsaw sha Bangladesh kala kham pynim ia ki nongrep.

Haba ia dei bad kane ka jingiaid iew jong u sohsaw sha Bangladesh ki nongkhaii kim shym la iathuh la ka dei ba la export ne la shu ia khaii kumto, hynrei kaba thikna ka long ba u kham iaid bha na ki thain Dawki bad lyngba ka Border Hat kaba don harum Danggnar.

What Next?

Recent Articles

Leave a Reply

Submit Comment

*