Shillong, Jymmang 26: Ka shnat KSU jong ka shnong Umlaper kaba don sha khappud Assam kaba hap hapoh jong ka Ri Bhoi District kala pynpaw ia ka jingsngewlyngoh ban iohi ba ia u Tower jong ka kompeni Jio u ba la shna mynta la shisnem khlem pat pyndon kam.
U samla H.Mukhim ba dei president bad u secretary u samla Eveningstar Trang, kila pynpsngew ba ka kompeni Jio ka dei ban pyntreikam noh kloi ia une u Tower lada kim pyntrei kam ruh ki dei ban wan law noh ia u tower na katei ka shnong.
Na ka liang jong ka KSU ka ong ba ki paidbah ki angnud ban iohi ring mobile bad lada ka kompeni kam lah ban pyntrei kam kan myntoi aiu ban buh kai ia une u tower ha katei ka jaka la ong ka KSU Umlaper.
