Shillong, Jylliew 30: U Myntri Rangbah ka jylla u Conrad K Sngma mynta ka sngi u la pyntip lyngba ka twitter ba u wei u briew u ba wan na Guwahati la test COVID-19 Postive ha Khliehrait, East Jaintia Hills District.
U Myntri ka koit ka khiah ka jylla u Bah AL Hek u la iathuh ba ne u briew ba la test COVID-19 Positive u dei ba dang wan na Assam ban shimti ia ka kam Branch manager jong ka shnat SBI kaba don ha Khliehriat.
Ka sorkar ka dang phah tohkit ban shem la une ba wan u la pynkhein ne em ia ki kyndon kiba la buh da ka sorkar jylla ha kaba ia dei bad ka jingwan sha ka jylla lada shem ba u la pynkhein ka sorkar kan ujor da ka Ejhar pyrshah ia u tei u briew.
Da ka jingtest positive sa uwei mynta ka sngi, baroh kiba la long positive ha kane ka jylla Meghalaya kala kiew sha ka 51 ngut bad kiba shah sumar mynta ki long 9 ngut, kiba la koit ki long 42 ngut bad khlad iwei.
Ban khanglad ia kane ka jingsaphriang kane ka jingpang ha ki bynta ban ia jan bad ka sor Guwahati ka sorkar naduh mynta ka sngi kala phah khangdam ia baroh ki dukan kiba don naduh Byrnihat sha duh Rani Godown kaba hap hapoh jong ka Ri Bhoi District.
