Shillong, Naiwieng 26: Ka dorbar shnong Sarim kala phah ia ka jingujor sha u bah PR Marwein, Empowered Officer, SSRDA, PMGSY , Shillong halor ka jingpynslem ban pyntrei pyndep ia ka surok kaba 12.5 KM na Rangthong sha Sarin.
Ha kane ka jingujor kaba la phah sha u tei u heh sorkat ba dei peit ia ki surok PMGSY ha kane ka jylla Meghalaya, la ong ba ka dorbar shnong Sarim bad ki shnong kiba dei iaid kane ka surok kila pynpaw ba ka jingsniew jong kane ka surok ka long kaba la palat bad kane kala buh ia ki paidbah ha ka jingeh kaba khraw.
Haba ia dei bad kane ka surok la ong ba yn tang ba ka sniew sha palat hynrei ka jingsuki ban pyndep ha kaba shna ia kane ka surok kaba la mang pisa haduh T.740.823 lak tyngka ia kaba ka dorbar shnogn kala kynnoh dei na ka jingpynslem jong u kontraktor. Ha ka shithi kaba la phah la kynnoh ba ka don ka jingtrei torti ia ka surok.
Na ka liang jong ka dorbar shnong kala kyntu ia u bah PR marwein ban wad ki lad ki lynti kumno ban pynsted ha kaba pyndep ia kane ka jingtrei na ka bynta ka bha ka miat bad ka jingmyntoi jong ki paidbah ha katei ka thain.
