Shillong, Nailar 25: Ka seng Hynniewtrep National Youth Front (HNYF) mynta ka sngi ki la leit ban ia kynduh ia u Chief Executive member jong ka Khasi hills Autonomous District Council u bah Titosstarwell Chyne ban dawa na u ban wat jingtip mano ban ai jingbit ban shna ia kane ka surok hapoh Balakhawa.
Haba kren ha ki lat pathai khubor u Bah K S Rani Vice President ka seng u la ong ba ka jingwan ia kynduh na ka liang jong ka seng ia u CEM ka long ban wan pynkynmaw ia u ba u kontraktor jong ka Assam ba shna ia kane ka surok PMGSY ha Balakhawa u la wan ban trei biang bad mano ba ai jingbit.
Na ka liang jong ka HNYF kala kren shai ba kane ka jaka kam dei hapoh jong ka jylla Assam kane ka dei hapoh jong ka jylla Meghalaya kaba dei hapoh jong ka Ri Bhoi District kaba hap hapoh jong ka Hima Nongspung. Kane ka jaka ba ki wan ban shna surok ka Assam ka dei beit hapoh jong ka jylla Meghalaya.
La iathuh ba ja kane jingiakynduh bad ka seng na ka liang jong u Bah Chyne CEM ka KHADC u la iathuh ba na ka liang jong ka KHADC kala bthah ia u syiem ba shipor jong ka Hima Nongspung bad leit ban jurip bad ia ka kaiphot dei ban wan ai sha u CEM bad ha dien kane na ka liang jong ka KHADC kan sa shim ia ka rai.
U bah Donroi Kshiar assistant general secretary jong ka Rib hoi District u la iathuh ba ka seng kala ujor ha kaba ia dei bad kane ka surok ha ka 10 Iaiong 2019 bad ha u bnai Jymmang 2019 bad hapdeng kane ka jingujor ka Assam kala wan shna jubor ia katei ka surok khlem da ioh ia ka jingbit na ka KHADC bad na ka sorkar jylla.
Ha dien bala khang ia kane ka jingtrei ha ka 10 Jymmang 2019, mynta u snem ha u Naitung u kontraktor u la wan ban sdang ia kane ka jingtrei khamtam ia ka jingkieng haba ka jingkhang ia ki briew ban ia rung ia mih ka dang khang da ka sorkar Meghalaya.
