Ujor ka MSCMM sha Supreme Court pyrshah ia ka rai ka HCM halor ka kam khaii Mawshun

Shillong, Naiwieng 30: Ki dkhot jong ka Meghalaya Steering Committee Minor Mineral kiba la pynkhamti ban iakhun pyrshah ia ka jingkhang kha-ïï mawshun shabar Ri da ka order jong ka Meghalaya High Court badon burom kaba la pyn mih ha  haka 24th November, 2022, kila pyndep ia ki kam baroh da kaba iakynduh ia ki Riew said aiñ ba pawkhmat jong ka Supreme Cout badon burom  ha Delhi mynta ar-sngi, kata ka 29th bad ka 30th November, 2022.

Ha kaba iadei bad ki kot ki sla baroh ban file ia ka kam ha Supreme Court badon burom pyrshah ia katei ka jingkhang challan kha-ïï da katei ka order jong ka Meghalaya High Court ladep pynbit pynbiang bad ladep soi da u Chairman jong ka Meghalaya Steering Committee (Minor Mineral) Mining Lease License Holder u bah Jropsingh Nongkhlaw ryngkat ki dkhot ka Kommitee.

Kum ban shu pynkynmaw kane ka jing jia (case) ka la mih na ka jing file case jong uwei u briew uba kyrteng u Lawyerson War da ka PIL No. 18/2019 with MC (PIL) No. 5/2022. Ka case kala iaid bad haka 7th September, 2022 ka Meghalaya High Court badon burom kala ai ka hukum.

“Ka jylla ka hap ban peit bha ia kiba la ai ia kano kano ka “ minor mineral mining license” ba kin nym don kiba pyndon kam bakla ia ka laisen ban toh mawshuh ban shallan sha bar ri, ia kaba hap ban niew kum u “major mineral” ia kaba hap ban aid a kawei pat ka laisen na ka bynta kane, ai kane kan sa shong bishar biang ha dein artaiew ban pynbeit da kumwei pat.

Halor katei ka order ka kha-ïï mawshun sha Bangladesh kala sangeh. Kane kala wanrah iaka ka jingklumar haka kha-ïï, ka jingduh bylla jingduh ja jong uba bun balang bad ka jingiap ki iew ki hat khamtam ha ki nongkyndong.

Ka Meghalaya Steering Committee (Minor Mineral) Mining Lease License Holder da ka jingsngewkhia kala leit ban ia kren ia ud ia nam bad ia said ia kane ka kam bad ka Sorkar. Kaba mih na kane ka jingiakren ka long ba ka Sorkar badon burom kala leit ban appeal ia katei ka order jong ka Meghalaya High Court.

Ka Meghalaya Steering Committee (Minor Mineral) Mining Lease License Holder ruh kala shim ia ka rai ba dei ban appeal ia katei ka order bad ka la file ruh kumta ha Supreme Court. Hadien jong kane ka Sorkar Meghalaya kala pyllait pat ia ka challan kha-ïï mawshun.

Ha kajuh ka por la ioh ruh na ka Supreme Court da ka hukum ka jong ka kaba 11-11-2022 kaba pynsangeh ia ka order kaba 7th Nailur , 2022 ka Meghalaya High Court da kaba ong kumne “keeping this fact in view, we deem it appropriate to direct the impugned order 7-9-2022 passed by the High Court, shall remain in abeyance and be not given effect to, till the main case vis. PIL No. 18 of 2019 is decided by the High Court.”

Kumba la pynpaw ha kaba sdang hadien ba ka Meghalaya High Court kala khang biang ia ka jingkha-ïï mawshun sha Bangladesh ka Meghalaya Steering Committee (Minor Mineral) Mining Lease License Holder kala leit biang sha Supreme Court ban pyniap biang ia katei ka rai  jong ka Meghalaya High Court khnang ban ioh kha-ïï biang bad ban imja im dohkha biang jong u khun u hajar jong ka jylla.

Da kane ka jing pyndep ia ka jingsdang ban file ia ka case ki dkhot jong ka Committee, kane ka long katkum ka kyrwoh kaba la phah da u bah Ribanroilang Lyngdoh General Secretary jong ka Meghalaya Steering Committee Minor Minerals Minging Lease License Holder.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet