Ujor ka UDP sha u CEC kynnoh ba pyndon kam bakla ki myntri bad MLA ka NPP ia ka FOCUS

Shillong, Nohprah 21: Mynta ka sngi u bah Allantry Franklin Dkhar  State Vice President ka party UDP u la phah ia ka jingujor sha u Chief Election Commissioner jong ka Ri India halor ka jingkynnoh ba ki don ki myntri bad ki MLA ka party NPP ba ki pyndon kam bakla ia ka skhim FOCUS.

Ha ka jingujor kaba u bah Allantry u la phah sha u CEC mynta ka sngi la ong ba katkum ki jingkynnoh kiba la mih ha ki lat pathai khubor ba ki don ki MLA bad kimyntri sorkar kiba na ka party NPP kila pynylla ia ki kyrteng kiba dei ban ioh ia ka jingiarap na ka skhim FOCUS kiba dei ki nongrep na ka jylla Meghalaya.

Ka sorkar Meghalaya kala shim ia ka rai ban pyntrei kam ia ka skhimFOCUS bad ia ka FOCUS+ ka ban kot sha ka T.200 klur tyngka, kane ka long ban iarap pisa ia ki nongrep ka jylla namar ba kila shah ktah na ka jinglynshop ka khlam COVID-19.

Ha kine ki lai bnai kiba la dep u myntri rangbah ka jylla u la leit sha bun ki District jong ka jylla bad ia ki kynhun jong ki nongrep la pynkylla sha ki nongpymih mar bad u dkhot jong ka kynhun kin ioh T.5000/- tyngka bad kane ka pisa kan long kum ka bai seng ban sdang ia ki kam.

Hynrei kaba phylla ka long ba ki don ki MLA bad ki myntri sorkar kiba la sam ia katei ka skhim ha ki jaka ban rep ruh kam long, ka UDP ka kynnoh ba kila leh ia kane na ka bynta ka jingmyntoi jong ki ha ka sian pyrthei jong ki.

U Bah Allantry u la kyntu ia u Chief Election Commissioner ba un peit lem ia kane ba kito ki nongrep kiba dei hok ban ioh kin nym duh ia kane ka jingmyntoi kaba ka sorkar kala plie lat na ka bynta jong ki.

 

 

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet