Ujor ki “Home Guard Volunterrs COVID-19” sha ka KSU ba ioh bai trei tang 40 sngi na ka 100 sngi

Jowai, Nailur 29: Ka KSU Jaintia Hills District Unit ha dien ba ka la ioh ia ka jingujor na kiba bun ki Home Guard Volunterrs COVID-19 kiba trei ha West Jaintia Hills District Jowai ha ka jingiadei bad ka jing bym lah ban siew ia ka bai nongsngi ne tulop jong baroh ki Home Guard Volunteers COVID -19.

Mynta ka sngi kum ka seng kam lah ban shu shong kli kti bad ban shu sngap ia kaei ka jingeh kiba ki paradoh parasnam jong ngi ki ia kynduh, ka seng ka sngew phylla ba ki la trei ha katei ka kam naduh ka 27th Lber 2020 haduh mynta u Nailur 2020 ka la poi sha ka 100 ne tam sngi kim ioh lut ia bai nong, hynrei ki shu ai tang kumba 40 sngi eiei kane ka buh ia ki ha ki jingeh khamtam ha kaba iadei kumno ban pynbiang ia ka iing ka sem jong ki.

Ka seng da ka mynsiem kaba sngewkhia kala dawa jur na ki bor ba dei peit ba kin siew dep noh mardor ia katei ka bai nong jong ki khamtam ha kaba kum kane ka por kaba long hiran ha ka khih ka kamai ban pyndap ia ka iing ka sem.

Ka seng ka dawa ruh ba kumno ba katei ka deparment kam pyrkhat satia khamtam ia kiba kum kitei ki nongtrei na poh ka District jong ngi kiba ba pyllut ia ka buit ka bor bad kiba la aiti lut met bad mynsiem ban ia khun pyrshah ban ai ki jingiada ia ki paitbah nongleit nongwan na ka jingiabit jong u khniang jingpang COVID -19.

Ka seng shen kan sa leit ia kynduh ia ki bor ba dei peit na ka Office jong u Commandant Home Guard West Jaintia Hills District Jowai ban buh ia ka jingthoh ban dawa ba ki dei ban siew dep ia baroh katei ka bai nongsngi ne tulop jong kitei ki Home guard Volunteers COVID-19 West Jaintia Hills.

ka seng ka maham ruh ba lada ka department kam lah ban pynurlong ia ki jingdawa jong ka seng ngim banse ban shong pyrkhat bad ban shim da kawei pat ka lynti ban iaid shaphrang na ka bynta katei ka kam.

What Next?

Recent Articles

One Response to "Ujor ki “Home Guard Volunterrs COVID-19” sha ka KSU ba ioh bai trei tang 40 sngi na ka 100 sngi"

  1. EvelynNuawl says:

    BJP Today: Deendayal 104 Jayanti Raja SinghHyderabadV6 News

Leave a Reply

Submit Comment

*