Shillong, Jylliew 29: Ki nongshogn shnong na kathain Umdem kila leit sha ophis jong u Deputy Commisisoner jong ka Ri Bhoi District ban ujor pyrshahia ka kompeni kaba la tip kum ka Indradhanush Gas Grid Limited (IGGL) ba ka la wan buh dak ban pyniaid ia ki Pipe Gas na shnong Umden.
Ki trai khyndew kiba haba ki ioh ia kane ka jignwan buh dak ha ki jaka jong ki kila kyndit bad kane ka jingbuh dak kala long ha Umden, shnong Nongtluh. Ha shnong Khongwing bad ha shnong Ronghilik na ka bynta ban pyniaid ia u pipe line gas uba wan na jylla Assam.
Ki trai jaka na kitei ki shnong ryngkat bad ka ka Ri-Bhoi Youth Development & Social Organization (RBYDSO) ki la leit kynduh ia u Deputy Commissioner ka Ri-Bhoi district u Arpit Upadhyay ha ophis treikam jong u ha Nongpoh ha ka 28 tarik Jylliew lem bad ka jingaiti sha u ia ka dorkhas ba ki la pynkhreh bad pyrshah ia katei ka jingleh donbor katei ka kompani IGGL kumba ki la kynnoh.
Katkum ka jingtip ka long ba ia kitei ki Pipe Gas ka long ban pynpoi sha duh Silchar da kaba pyniaid ia ki pipe na Ri Bhoi sha Jaintia Hills la pynsngew ki trai jaka kiba la leit ban ia kynduh ia u DC halor kane ka jingwan buh dak kaba khlem da tip ban pyniaid ia ki Pipe Gas
U bah Arnold Syngkli, President ka RBYDSO u la ong haba kren bad ki lad pathai khubor ba ha ka jingkynduj bad u DC, utei u DC u la kyntait ban iakren bad ki nongialam ka seng bad ki trai jaka bad u la mih kyrkieh da kaba ai daw ba u hap beh sha kawei ka jingialang.
Na ka liang jong u DC u la bthah ba kin leit kynduh ia u Addl DC u Bah Rapborlang Kharbihkhiew, hynrei kane ka jingiakren bad u ADC kam shym la ai jinghun satia ia ki bad ki la mih jyndat noh na katei ka jaka ha conference hall jong ka ophis u DC.
U Bah Arnold u la ong ruh ba baroh kitei ki nongleit kynduh ia u DC kin pyrshah jur beit ia kane ka jingthmu katei ka kompani namar ka jingwan katei ka projek kan ktah ia kiba bun ki jaka rep jong ki nongshong shnong ha kitei ki thaiñ bad kan long ruh ka jingduh kaba khraw ha ka ioh ka kot ki nongrep.
