Shillong, Jymmang 06: Mynta ka sngi ki dkhot jong ka Zandu Foundation na ka bynta koit ka khiah na Ambach, Valsad, Gujarat, kiba dei stad wat bniah haba ia dei bad ki dawa kynbat kila wan jngoh ia ka Institute ka Bioresources bad Sustainable Development (IBSD) Node, Meghalaya ban wan peit kyrpang ia u Gaultheria fragrantissima Fragrant Wintergreen, bala tip ha ka ktien khasi kum u Jathynrait bad Lathynrait.
Kane ka kynhun kaba la wan mynta ka sngi kala wan jngoh ia ka jaka sara symbai, ka jaka wat bniah bad ia ki dawai kynbat kiba ia dei bad ka jingpynkhreh iaki symbai na laboratory ban thung sha khyndew katkum ka jingdon kam ki nongrep hapoh ka skhim Himalayan Bioresource Mission.
Kine ki stad wat bniah ka jingwan jong ki ka long kumno ban pyniaid iew iaki ban kyntiew ia ka ioh ka kot da kaba thung ia u Jathynrait ban ioh jingmyntoi ki nongrep da kaba yndon kam ha kaba sumar briew bad ia kane la pyniaid hapoh ka jingpeit u Prof. Pulok K. Mukherjee, Director ka IBSD.
Ka IBSD ka pyniaid ia kane ka skhim ka long ban kyntiew ia ka jingsumar tynrai da ki dawai kynbat, ha kane ka skhim ka jingpynshlur ban thung ia u Gaultheria fragrantissima bad ia u Swertia chirayita la rah sha ki jaka thung jong ki nongrep ban ioh ia u symbai ba bha.
