Wan peitka u Great Khali u nongialehkai Wrestling ha ka tamasa  “Dwijing Festival” ha Assam

Guwahati,Nohprah 29: Ka tamasa kaba 12 sngi lynter ia kaba la tip kum ka “Dwijing Festival” hapoh Bodoland jong ka jylla Assam kaba dang iaid mynta sha khmat ha kaba ki paidbah na kylleng jong ka Ri India kila wan ban sakhi ia kane ka tamsa kaba kyrpang.

Ha kane ka tamasa u nongialehkai wrestling jong ka Ri India u ba la tip paidbah kum u “The Great Khali” u la wan ban peitkai mynta ka sngi ha kaba u myntri rangbah ka jylla Assam Sarbananada Sonowal,u myntri ba dei peit ia ki kam jngohkai pyrthei u  Chandan Brahma, u khlieh duh ka jong ka Bodo Territorial Council (BTC) u Hagrama Mohilari, Deputy Chief, BTC, Kampa Borgoyari , Chairman, ATDC, Jayanta Malla Baruah , MP Biswajit Daimary kila ia don lang ha kane ka sngi.

Ha ka jingkren jong u myntri rangbah ka jylla Assam u Sarbananada Sonowal ha kane ka sngi u la ong ba ki don lai tylli kiei kiei kiba lah ban wanrah ia ka jingsngewthuh hapdeng ki para briew kiba don iala ki jong ki jong ki riti dustur hapdeng ki ri bapher bapher, u la ong ba kane ka “Dwijing Festival” ka dei ka wei na kit alai.

Kane ka tamasa kan iarap ia kiwei ki ri jong ka pyrthei bad kum juh ia kiwei ki jylla hapoh jong ka Ri India ba kin sngewthuh ia ka jinglong jingman jong ka jylla Assam bad ia ki riti dustur jong ki briew jong ka jylla barohkawei bad khatam eh ia ki briew kiba shong hapoh jong ka BTC.

Ha kane ka sngi kila don bun ki jingialehkai bad ki briew kiba paw jong ka pyrthei kila poi sha kane ka tamasa kyntup ia u nongialehkai Wrestling ka Ri India u “The Grest Khali”  nalor ki nongrwai phlin hindi kiba paw  u Himesh Reshamiya, Bhoomi Trivedi, Shweta Pandit, Neeraj Shridhar.

 

What Next?

Recent Articles

Leave a Reply

Submit Comment

*