Shillong, Nohprah 11: Mynta ka sngi ka nongialam ba rangbah duh jong ka party All India Trinamool Congress ka Mamata Banerjee kala wan sha kane ka jylla Meghalaya ha ka sien kaba nyngkong ia kaba la pdiangburom ia ka da ki nongialam ka party ha kad leing suin ha Umroi, Ri Bhoi District.
Ha kane ka jingwan ka jong ka ha Shillong la synranlang da u AITC National General Secretary u Abhishek Banerjee, u bala wan poi sha kane ka nongbah Shillong ha kip or kiba mynshuwa ruh, kane ka nongialam jong ka AITC kaba dei ka myntri rangbah ka jylla West Bengal kan san ar sngi ha kane ka nongbah Shillong.
Ha kane ka jingwan kaba ar sngi ka jong ka ha Shillong, la shai ka sngi kan ia kynduh ia ki nongkit kam jong ka party ha U Soso Tham Auditorium ha State Central Library, ha kaba ki nongialam ka party na baroh ki District kin ia don lang, naduh ki blok, ki seng long kmie, seng samla ruh kum juh.
Ha ka por jan miet kan don ka jingleh kmen Khrsitmas bad ki khynnah khun swett na kylleng, kan ia kynduh ia ki khlieh nongsynshar shnong na Khasi bad Jaintia Hills, ia ki riew paw khmat ka hylla, ia kane ka jingiakynduh kan long ha Windermere Resort, Umpling, Shillong.
U Nongialam ka AITC u Dr Mukul Sangma la ong ba kum ka party ka dap da ka jingsngewhun ban pdiang burom ia ka Mamata Banerjee ka nongalam ba rangbah jong ka seng ka jingwan ba nyngkong ka jong ka sha Meghalaya, Shillong ha kaba ki nongkyrshan ka party kin ioh ia kren bad ka markhmat.
