Shillong, Iaiong 12: Ka long ka burom ia ka jylla Meghalaya ha kaba 14 ngut ki dkhot jong ka Meghalaya Bharat Scouts bad Guides Fellowship ha kaba kila wan phai biang sha la kajong ka jylla ha dien ka jingiashim bynta ka jong ki ha ka jingialang jong ka National Gathering jong ki Scouts bad Guides Fellowship kaba la long ha Bodh Gaya, Patna, kaba la sdang ha ka 7 tarikb ad pynkut ha ka 9 tarik mynta u bnai ha kaba 25 tylli ki jylla kila ia shim bynta kyntup ia ka Ri Nepal bad Malaysia.
Ia kane ka Scout bad Guide Fellowship la pynlong na ka bynta ki dkhot jong ka kynhun tang ia ki bala rangbah bad ka jingthmu jong kane ka long ba kin iarap kylla ia ki samla kiba dang khi dang sah. Ha kane ka jingialang ka la don ka jingiakop haki lai bynta, ka ia kiba la tip kum ka, “State Presentation, Grand Camp Fire Item bad Fellowship Haat”, ha kaba ka jylla Meghalaya kala jop ha baroh lai tylli ki jingiakop.
Ha kane ka jingiakop ka jylla Meghalaya kala ioh ban rah ia ka nam “Young Achiever” na pdeng ki samla kiba la ia shim bynta, ka samla Shimtilang Kharbuli kala ioh ia kane ka khusnam ia kaba la tip kum ka “SATISH KHANNA” nalor kane kala ioh ruh ia ka khusnam da ka pisa kaba T. 25,000/-tyngka. Kane samla ka pule hapoh jong ka Umshyrpi College.
Na ka liang jong ka kynhun ka ai khublei kyrpang ia ki dkhot jong ka Meghalaya Scouts bad Guides Fellowship hapoh ka jingialam jong u President Dr. C. Varghese bad Dr. Enid Basaiawmoit kum ka General Secretary lem bad kiwei kiwei ha kane ka sngi u Lat jong ka jylla Bihar u la ong u kongsan.
