Wan rah u Conrad ia ka mang tyngka u snem  2021-2022 kaba duna pisa T. 1,570 klur

Shillong, Lber 10: U Myntri Rangbah ka jylla u Conrad K Sangma ba bat ruh ia ka tnad pla pisa jong ka jylla mynta ka sngi u la wanrah ia ka mang tyngka jong u snem 2021-2022  haduh ka iing dorbar ha ka jingduna pisa kaba T.1,570/- klur tyngka kaba long antad kumba 4.07% na ka ioh ka ioh ka kot jong ka jylla.

Haba wanrah ia ka mang tyngka u myntri rangbah u la ong ba ka jinglut na ka bynta u snem mang tyngka 2021-2022  kan long kumba T.17,603/- klur katba ka jingmih la khien antad ba kan long T.15,262/- . ka jingsiew ia ka ram ha u snem 2021-2022  kan long T.1,047/- klur bad ia ka bai bam tynmen ka T.1,303/- klur.

Ki bynta kiba kongsan jong kane ka mang tyngka kaba u mytnri rangbah ka jylla u la kdew ka long ban ia khun pyrshah ia ka jingduk ka sorkar kala mang pisa ban pynlut T.1,138/- klur tyngka .

Ban pyniaid biet ia ka rukom trei kam ka sorkar kala buh shibun ki kam ba ka dei ban leh na ka bynta ka jingiaid beit iaid ryntih da kaba shna ia ki ophis ha ki block kiba thymmai ia kaba la mang T.15 klur bad ban pynkhlain ia ka tnad pulit ka sorkar kala mang pisa T.80 klur.

Ka sorkar kala phai khmat ruh sha ki kam shangsuwari bad na ka liang jong ka sorkar kan iarap bai seng ban shna ia ki iing basa ha kylleng ki bynta jong ka jylla, ban pynkhlain ia ki jingtei la mang pisa haduh T.2,461 klur.

U Myntri rangbah u la ong ba da ka jingpynkiew ia ka jingai bhah na ka sorkar pdeng kan iarap shibun na kaba ia dei bad ka jingdon kam jong ka jylla na ka bynta ban pyntrei ia ki kam pynroi bad kumba ka long la mang antad ba ka jylla kan ioh ia ka bhah kaba T.3,300/- klur tyngka nalor kiwei kiwei ki kam kiba u la kdew ba kane ka sorkar kan sa leh ha kane ka snem man tyngka.

U Myntri rangbah u la ong ba kane ka sorkar MDA haba ka wan ha ka bor ha u snem 2018  kala ai ka jingkular ban ialeh ia shibun ki jingeh kiba ka jylla ka ia kynduh bad mynta ha dien ba la don lai snem ha ka bor la sdang ban iohi ia ki kam pynroi kiba kane ka sorkar kala leh.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet