Shillong, Lber 13: U bah George B Lyngdoh MLA jong ka seng Congress na Umroi, u la wanrah ia ka mat ia kren hapoh ka iing dorbar thawain ka jylla ban shim ia ka rai ban pynbeit ia ka jingspel dak ia ka ktien Khasi bad Garo kumba la pdiang da ka iing dorbar ha ka 27th Naiwieng 2018 ban ioh banpynrung noh hapoh jong ka Eight Schedule jong ka Riti synshar jong ka Ri India.
Haba wanrah ia kane ka phang ia kren na ka liang jong u MLA u la ong ba katba ka jingialeh ban pynrung ia ka ktien Khasi bad Garo ha ka Eight Schedule, ha ka juh ka por la don kam ruh ban pynbeit ia ka jingspel dak jong kine ki ar tylli ki ktien khnang ba pynneh pynsah bad ban dang pynbha shuh shuh ia ka ktien.
Ban dang kyntiew shuh shuh ia ka ktien Khasi bad Garo la don kam ban dang pynkhlain shuh shuh ha ka jingdawa ban pynrung ia ka ktien khasi bad Garo ha ka Eight Schedule jong ka Riti Synshar jong ka Ri India bad kane ka jingpynbeit kan long shibynta na ka jingpynkhreh sha katei ka thong.
U bah George u la kyntu ba to ai ba ka iing dorbar kan shim ia ka rai ban pynbeit noh ia ka jingspel dak ia ka ktien khasi bad Garo, ia kane ka mat ia kren ym dang bteng biang ia ka jingiakren hapoh ka iing dorbar.
