Shillong, Nailar 22: U Director ka tnad ka koit ka khiah u la iathuh ba ka jylla Meghalaya ka don ha pdeng ka jingduna doktor kaba sherkhei bha, hynrei la ioh jingtip ba ki don kiba leit pule doktor ha dien ba kila pyndep ia ki jingpule na ka bhah kaba la phah da ka sorkar ki trei pat bad kiwei ki Hospital.
Haba kren ha ki lat pathai khubor u la ong ba ka sorkar kala shim ia ka rai ban bthah ia baroh kito ki doktor ba kin pyntip hapoh jong ka ophis jong ka Director Health services hapoh mynta u bnai bad ban thung kam noh ia ki.
Lada kim treh shuh ban wan trei bad ka sorkar ki hap ban siew noh ia ka Bond kaba kila ia soi bad ka sorkar kaba long ha pdeng T.10,00,000/- haduh T.25,00,000/- tyngka la da kim leh ia kane hapoh mynta u bnai ka sorkar kan thad paidbah ia ka kyrteng jong kine ki doktor.
