Shillong, Jymmang 25: Mynta ka sngi u S. Ga
rg, Joint Secretary jong ka tnad kam poh iing jong ka sorkar pdeng ba dei peit ia ka dong shatei lam mih ngi jong ka Ri India u la wan twad jingmut na ki kynhun bapher bapher ha kaba ia dei bad ka jingthmu jong ka sorkar pdeng ban wanrah ia ka jingpynkylla ha kaba ia dei bad ka Sixth Schedule jong ka Riti Synshar jong ka Ri India.
Ia kane ka jingiakynduh la pynlong ha Conference Hall ha Main Secretariat. Ha kane ka jingiakynduh na ka liang jong ka sorkar la don u symbut myntri rangbah ka jylla u Bah Prestone Tynsong, Ia ka Khasi Hills Autonomous District Council (KHADC) la lam khmnat da u CEM u Bah PN Syiem, ia ka Jaintia Hills Autonomous District Council la lam khmat da u Bah Moonlight Parait CEM bad ia ka Garo Hills Autonomous District Council la lam khmat da u Dipul R Marak CEM.
Na ka liang jong ka kynhun ki khlieh nongsynshar la lam khmat da u bah John F Kharshiing ha kaba la synranlang bad u Syiem jong ka Hima Nongkhlaw,u Pa’im Phrestar Manik Syiem na ka kynhun jong ka seng ka synjuk ki rangbah shnong la lam khmat da u Dr W Kharlukhi, U Bah Samuel Jyrwa Chairman ka NESO ruh u la ia don lang, kiwei ki seng bhalang kiba la ia don lang ki long ka KSU, FKJGP, HYNF bad kiwei kiwei ki seng kila ia don lang ha kane ka sngi.
Ka jingwan jong u tei u Joint Secretary jong ka sorkar pdeng sha kane ka jylla ka long ban wan tnwad jingmut na ki briew jong kane ka jylla aiu ki don ban ai jingmut ha kaba ia dei bad ka jingkwah jong ka sorkar pdeng ban wanrah ia ka jingkylla ha ka Sixth Schedule jong ka Riti synshar jong ka Ri ha kaba ia dei bad ki District Council ha kane ka dong shatei la mih ngi jong ka Ri India.
Ha kane ka jingiakynduh mynta ka sngi bad u tei u heh sorkar jong ka sorkar pdeng baroh ki kynhun naduh ki District Council bad ki kynthun kiba la ia don ha kane ka sngi kila ai ia la ka jong ka jong ka jingmut katkum ka jingsngew ka jong ki kiwei ki bynta kiba dei ban wanrah ia ki jingkylla ha ka Sixth Schedule.
