Wanrah burom ki myllong khasi ha ka jingialang jong ki ha Bidar, Karnataka

Shillong, Risaw 29: Hynriew ngut ki Myllung ki la leit ïa shim bynta ha ka 18th National Convention jong ka AIPC ba la pynlong ha Bidar, Karnataka, ha kaba ar ngut ki myllung longkmie, ka Prof Streamlet Dkhar ka la ïoh ïa ka khusnam Lifetime Achievement Award bad ka Kong Minimon Laloo pat ka la ïoh ïa ka Special Award kine baroh ar ngut ki la wanrah burom lyngba ki jingnoh synñiang jong ki sha ka thiar jong ka thoh ka pule.

Kine baroh ar ngut ki la long ki myllung bad nongthoh kot napdeng ki Kynthei Khasi kiba pawkhmat bad kiba la pynmih bun tylli ki kot kiba la rung ruh ha ki kyrdan pule bapher.

La rah ruh ïa ka kyrteng jong ka Jylla Meghalaya sha khlieh duh jong ka Ri India lyngba ki kam ba la pynkhamti ha ki saw ngut ha kaba ka Prof Streamlet Dkhar ka la shah jied kum ka Chairperson jong ka AIPC National bad ka Minimon Laloo kum ka Vice-Chairperson, ka Dr. Dokatchi Ch. Marak kum ka Secretary bad ka Jamie Mary Ch. Marak kum ka Executive Member.

Ïa ka samla Evanisha Pathaw la pynkup burom kum ka “MISS BEAUTY WITH BRAIN” ha ka Cultural program na ki sur bathiang kiba ka la rwai, katba ïa ka Bakhiamon Rynjah kum ka Nongïalam ïa ki Jingshad Khasi Tynrai kaba la pynshohbieit da ka riam Khasi tynrai ïa baroh ki nongpeitkai kylleng ka ri kiba don hangta.

Nalor kane la pyllait paidbah ruh iaka ka Kot “Ki Kyrpien Jong ka Por ki Tanka” ha ka Khasi bad kiwei de ki poim kiba la thoh da ka Prof Streamlet Dkhar.

What Next?

Recent Articles

Leave a Reply

Submit Comment

*