Shillong, Iaiong 02: Ki rang bad ki thei iakhun kti na ka jylla Meghalaya kiba la leit ban mihkhmat ia ka Ri India ha ka jingiakhun kaba la pynlong ha Dubai, ki la wanrah shisha ia ka nam ka burom bad ka jingsngew sarong ia ka jylla Meghalaya hadien ba watla tang saw ngut ki la mihkhmat, ha kaba la ioh ban khur ia ki khusnam takma.
Katkum ka jingai jingtip na ki nongpyniaid kiba don sha Dubai bad na ka liang u Asst. General Secretary, MAWA, u bah Mainbor Khyriem, la pyntip ba ki nongialehkai ki la lehkai bha la ka dei na ka ka phang jong ka kti kamo bad kadiang ruh.
Ha ka jingiakhun, ka Airikmenlang Shabong kaba iakhun ha ka 50 Kilo kum ki samla kynthei ka la ioh ia ka takma Rynong ha ka jingialehkai kaba da ka kti kamon bad ka diang, ka kong Margaret Pathaw kaba iakhun ha ka 70 kilo “Masters women” ka la ioh ia ka takma Ksiar ha ka jingiakhun ka phang kti kdiang bad kamin.
Katba ha ka liang ki shynrang bah Alexander Lyngdoh uba iakhun ha ka “Hearing Impairment” kaba 80 kilo u la ioh khur ia ka Rynong ha ka jingiakhun phang kti kamon bad ka diang, u Hubert Paliar u ba iakhun ha ka 70 kilo “Hearing Impairment” u la ioh khur ia ka takma ksiar ha ka kti kamon bad takma ksiar ha ka phang ka kti ka diang.
