Wanrah u Myntri Rangbah ka jylla ia ka mang tyngka 2023-24 kaba duna T.1,592 klur tyngka

Shillong, Lber 23: U Myntri Rangbah ka jylla u Conrad K Sangma mynta ka sngi u la wanrah ia ka mang tyngka na ka bynta u snem 2023-2024 hapoh ka iing dorbar thawain ka jylla kaba dun pisa T.1,592 klur tyngka kaba mut 3.42% na ka jingmih ha ka ioh ka kot jong ka jylla.

Ha ka jingkren u Myntri Rangbah ka jylla u la ong ba la ka sorkar ka khmih lynti ba ka jingioh ba baroh ki jingmih kan kot sha ka T. 21,781 klur tyngka, na katei, ka jingmih kan long T.19,414 klur tyngka na ka Revenue Receipt, na ka Capital Receipt kan long T.2,366 klur tyngka, kane ka long laitnoh ka jingshimram T.2,339 klur tyngka, kumta ka jingioh la antad kan long T.19,442 klur tyngka.

Ha ka juh ka por ka sorkar kala pynkhreh ba ka jingpynlut ha kane ka snem mang tyngka kan kot sha ka T.22,022 klur tyngka, ka jinglut ha ka Revenue Expenditure kan long T.17,187 klur tyngka, ka jinglut ha ka Capital Expenditure kan long T.4,836 klur tyngka, lait noh ka jingsiew ia ka ram kaba kaba la kot sha ka T.988  klur tyngka.

Katkum ka jingkhein kaba la ai da u myntri rangbah ka long ba ka jingsiew tang ia ka sut ha kane ka snem mang tyngka 2023-2024 kan long T.1,169 klur tyngka, ka jingsiew ia ka bai bam tynmen kan long T.1,794 klur tyngka.

Ka jingioh kaba kongsan eh jong ka jylla ka dei ka bhah na ka khajna kaba ka sorkar jylla kan ioh na ka sorkar pdeng bad la mang antad ba ka jingioh na kane ka bhah kaba dei ka khajna ka long T.7,834 klur tyngka bd ka lah ban kot sha ka T.8,908 klur tyngka ha kane ka snem mang tyngka 2023-2024.

Haba phai na ka jingmih na la ka jong ka jylla, ha kane ka snem mang tyngka 2023-2024 kan long T.2,636 klur tyngka bad ka jingkhmih lynti ba kan kiew sha ka 22% ka jingmih na ka jylla bad lada ka kot katkum kane ka jingbuh jingkhien ka jingioh na ka kylla kan long T.3,205 klur tyngka, na ka GST ka jingioh kan long T.1,785 klur, ka ki jingdie kan jingmih kan long T.792 klur bad na ka excise kan long T.413 klur.

Ka jingmih na ka bymdei ka khajna mynta u snem la antad ba kan long T.742 klur tyngka, la jingpynlut kaba ka sorkar kan sa pynlut ha kane ka snem mang tyngka kaba mynta kan long T.22,022 klur tyngka, kane kan long T.17,186 klur ha ka Revenue Expenditure bad T.4,836 klur Capital Expenditure.

Ha kane ka jingkren ia ka mang tyngka u myntri rangbah ka jylla u la kdew ia baroh ki tnad jong ka sorkar bad la bate ruh ia ka jingmang tyngka ia baroh ki tnd sorkar kaba kin sa pyntrei ha kane ka snem mang tyngka 2023-2024.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet