Wat ailad ban shah thied Ki kotkhubor ban shah thied ha ki political party: Prestone

Shillong, Nailar 14: U Bah Prestone Tynsong Deputy Chief Minister jong ka jylla Meghalaya u la ong ba ki Kotkhubor kim dei ban shah thied ha ki Political Party, ia kane u la kren ha ka jingpynlait paidbah ia ka kotkhubor u Mawphor ba la pynmih 16 sla.

Haba kren kum u kongsan ha kane sngi, u Deputy Chief Minister u la ong ba ka sorkar pdeng bad ka sorkar jylla haduh kine ki sngi ki dang shaniah ha ki kotkhubor, ym ha ki khubor Internet.

U la ong ba kala don ka jingkynnoh ia ki Chanel, ba katta ka dei ka jong ka party BJP ne jong ka party Congress. La ong ba wat ailad ban shah kynnoh kumne. Na ka liang jong u Bah Prestone u la ai khublei ia ki nongpyniaid ia ka kotkhubor Mawphor kiba la lah ban kiew sha kane ka kyrdan.

Ha ka jingkren jong u Bah Teinwell Dkhar CEM jong ka KHADC, u la ong ba u dap da ka jingsngew kmen ban tip ba ka kot khubor u Mawphor kala dap 30 snem mynta ka sngi bad kane ka jingpynmih kolor ka khring ia ki nongpule, hynrei kaei kaba kongsan ka long ka jingthoh ka ban khring ia ki briew ban sngewtynnad ban pule.

Na ka liang jong u Bah RM Marwei trai jong ka Kotkhubor ha ka jingkren jong u la iathuh ia ka jingiaid lynti naduh u snem 1987 ter ter haduh mynta ba ia ka jingsdang thoh khubor la sdang na ka letter press, sha ka Sheet fed, bad mynta ha kane ka juk thymmai kaba mynta ia kaba la tip kum ka CTP printing.

Ia ka jingialang la pyniaid da u Editor u Bah Maia Siangshai ha ka jingiadong lang jong baroh ki nongtrei kane ka kotkhubor.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet