Shillong,Jylliew 24: Ka jingiakynduh lang jong ki heh pulit jong kane ka thain shatei lam mih ngi kaba ar sngi lynter kala kut mynta ka sngi ha kaba la pynkut ha Raj Bhavan ha kaba u La tjong ka jylla Meghalaya u V.Shanmuganathan u la kren kum u kongsan.
Baroh ki heh pulit jong kane ka thain khynthup ia ki jong ka sorkar pdeng kiba la ia poi ki long 42 ngut, kine ki kynthup wat ia kiba na ka jylla West Bengal. Ka jingiakren ha kine ki ar sngi ka long beit kumno ban ia leh pyrshah ia ki jingeh kiba don ha kane ka thain kiba ktah ia ka shong suk shong sain.
Ha kane kaj ingialang la ia kren ruh ia ki jingeh ha kiba ia dei bad ki khappud jong ki Rib a marjan. Kumba ka long mynta ka jingshong suk shong sian ha kane ka thain kala sdang ban wan dur biang lada shimha kine ki lai snem kiba la leit.
U Lat ka jylla u la ong ba ka por kala popi ba ki paidbah kane ka dong shatei lam mih ngi jong ka Ri India kin ioh ban kheit ia u soh jong ka jingshong suk wat la la ker kut ia kane ka thain da ki rib a marjan, kumta kane ka thain baroh kawei ka long kaba don kam bha ba hap ban long kiba peitngor.
Na ka liang jong u Lat ka jylla u khot u wer ba da ka jingpyntrei kam ia ka Act East Policy, ka long ban ia kren ia ka bynta jong ki kynhun shipai bad pulit ba kin pynneh pynsah ia ka shong suk shong sain ha kane ka thain.
