Wat la ka BJP ka don ha ka sorkar MDA, kan pynieng kyrtong MP ha Meghalaya

Shillong, Lber 05: Ka jingialang jong ka party BJP kaba la long mynta ka sngi ha ophis trei kam ha ka jingiadon lang u Ajoy Jomuwal General Secretary  ba dei peit ia ki kam party hapoh jong ka Dong shatei lam mih ngi jong ka Ri India, kala shim ia ka rai ba kan pynieng kyrtong MP hapoh Meghalaya, na Shillong bad Tura.

Haba kren ha ki lad pathai khubor  ha dien ba la kut ka jingialang, u president jong ka party u Bah Shibun Lyngdoh u la ong ba kumba ka long mynta ka BJP kala dep ban ap ia ka MDA, hynrei ka paw shai ba ka UDP kan iaid sha khmat ban pyniakhun ia u Dr Jemimo Mawthoh kum u kyrtong jong ka, wat la ka MDA kam pat rai.

Kum ka party kaba dei ka National party mynta ka sngi kala ia shong ban pyrkhat ia kane ka kam namar ka por kala ha jan ban long ka MP Ilekshon, ha kane ka jingiakynduh mynta ka sngi kila shim ia ka rai ba ka party BJP kan ia khun na baroh ar tylli ki MP Seat na kane  jylla Meghalaya na Shillong bad na Tura.

U Bah AL Hek u ba dei u myntri ka koit ka khiah ha kane ka sorkar MDA, u la ong ba ka party kan sa thaw noh ia ka elekshon kommittee jong ka party ban khat aplikoshon, kumba ka long mynta kila don kumba saw ngut kiba la tyrwa na Shillong bad san ngut na Tura hynrei ka seng kam pat rai ia no iano ruh namar kan dang khot aplikoshon.

U Bah Hek u la ong ba kane kam don jingiadei ei ei ruh em bad ka sorkar, ka ilekshon ka iaid la ka jong bad ka sorkar ka iaid la ka jong, kum ka national party ka hap ban pynieng iala u jong u kyrtong MP.

U Bah David Kharsati u la ong ba ka BJP ka don ka jingkyrmen ban jop namar ka ilekshon MP ka iapher na ka MLA bad ka MDC, ki paidbah kin ai ka jingkyrshan ia ka BJP namar ha Delhi ka BJP kan dang wan ha ka bor, u la ong.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet