Wat lehbein ia ka West, wat lehbein ia ka Nongstoin pyrta ka HYC ha Shillong

HYC CM secretaryShillong, Nailar 24: Ki 70 ngut ki dkhot jong ka HYC jong ka Nongstoin kiba la iaid paidbah na Nongstoin sha Shillong ban pynpaw ia ka jingsah dien jong ka West Khasi Hills District kila poi ha Shillong mynta ka sngi bad pynkut ia kane ka jingiaid jong ki ha Additional Secretariat Shillong, ha kane ka jaka kila ia pyrta “Wat lehbein ia ka West, Wat lehbein ia ka Nongstoin”.

Ha dien ba la leit ban ai ia ka dorkhas sha ophis jong u myntri rangbah ka jylla, u president jong ka HYC Nongstoin u bah Lumlang Syiemlieh, u la ong ba ka seng kala dep ban pan jingbit ban ia kynduh ia u myntri rangbah hynniewsien hynniewat, hynrei na ka liang jong u myntri rangbah u la leh bym suidniew u khlem khot ia kren ia ki.

Ban pynsngew sha ki skhor jong ka sorkar jylla ia ki jingeh kaba ki paidbah jong ka West Khasi Hills ki ia kynduh kila shim ia kane ka rai ban pynlong ia kane ka jingiaid paidbah da kaba iaid kjat na Nongstoin sha Shillong ia kaba kila pyndep ha kine ki lai sngi. Ka jingjngai na Nongstoin sha Shillong ka long 93 km.

La ong haba pyrkhat ia ka jingjngai ka lynti ka mynsiem ka tlot hynrei haba pyrkhat na ka bynta ka jingeh kaba ki paidbah ki ia kynduh ka ai mynsiem ia ki ban iaid sha khmat ban pynpaw sha ka sorkar ia ka jingeh kaba ki paidbah ki ia kynduh.

Na ka liang jong ka seng ha ka dorkhas kaba kala leit ban ai sha ka ophis jong u myntri rangbah ka long, halor ki surok, ki jaka pule, ka rep ka riang, ki kam ialehkai, ka koit ka khiah ba ki paidbah ka West Khasi Hills ki don kam ia kaba ka sorkar ka lehbein ha kine ki snem baroh.

Nalor kata ka seng ka dawa ba ka sorkar kam dei ban aiti ia ka kam dewiong sha ka Meghalaya Minerals Development Corporation, ka sorkar ka dei ban pyntrei kam ia ka ILP ha kane ka jylla kumba la dawa da ka seng kmei jong ka HYC bad ia ka Nongstoin College dei ban ai nam ha ka kyrteng jong u Bah Hopingstone Lyngdoh.

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet