Shillong, Naiwieng 20: Ka kynhun Awaken India Movement (AIM) ryngkat bad shityllup ka pyrthei mynta ka sngi kala pynlong ia ka jingialang paidbah ha Motphran ban dawa na ka sorkar ba wat pynbor ban ai Tika ai ki briew kin jied da ka mon laitluid.
U Bah Bashai Marbaniang nongialam kane ka AIM ha Meghalaya la ong ba ki briew ki don lai tylli ki bynta kaba u blei trai kynrad u la ai ia kata ka jinglaitluid, ka Jabieng, ka mynsiem bad ka met, dei kine ki lai tylli kiba la pynlong ban ioh ban kam ia lade ba dei ki briew kiba im ha sla pyrthei.
U nongialam ka AIM u la ong ba kane ka dei ka sngi kaba kyrpang tam kaba ka AIM kala mih sha khmat ban ieng iakhih ia ksaid ban ioh ia ka jinglaitluid na ka bynta jong u wei pa u wei u briew dei na kata ka daw ba ki wan ha kane ka jaka ban pynsngew paidbah.
Ha kane ka jingialang la don ruh kiwei kiwei ki nongkren na ki nongialam jong ka seng kiba la wan na kylleng ka Ri Khasi Jaintia kiba la rah ia ki jingthoh ban pynpaw sha ka pyrthei ba ki don kam ia ka jinglait luid, ka dei ka met jong ki bad tang na ki kiba lah ban shim ia ka rai.
Ha ki jingthoh kiba la rah da ki nongkyrshan kane ka AIM kila kren shai kdar ba ki pyrshah ia ka 5G bad la thoh ba kane ka pyniap suki jai ia ki briew, la thoh ruh ba ka jingshisha ka long ba ym ba ki kwah ban iada ia u khniang hynrei ban ioh shynshar halor jong phi jong nga.
Ki jingthoh ki kren shai ba wat wanrah ia ka jingpyniapher ha ki jaka trei hapdeng ki para nongtrei, ai ka jinglait luid ha ki briew ban rai ia la ka jong ka met ka jong ki ymd ei ban pynbor, kine ki logn ki katta katne ki jingthoh kiba la thoh bad rah da ki nongkyrshan ia AIM ha ka jingialang paidbah ha Motphran.
