Jowai, Nailur 08: U Bah Commanderful Sana u ba dei u Vice President jong ka All Jaintia Youth Welfare Organisation jong ka Central Governing Body (AJYWO-CGB) kum ka dak ban pynshai paidbah u lah dep buh iaka shithi ieh noh kam ha u President jong ka sein u Bah MH Dkhar ha ka 11/08/2017 ha iing sah jong u.
Ha ka juh ka por u pyntip sha u paidbah ba bun ba lang bad sha baroh ki ba ju ioh jing shaniah na ka Sein lyngba jong u ba kin sngewbha ban ai jingtip bad pan jingiarap na u president ne ki member jong ka AJYWO.
Shuh shuh u pynpaw ba ha ki por ba u dang don bad ka Sein u snewhun shi katdei eh ba ki kam lane ki issue ba la shim da ka AJYWO ha ryngkat ka jingiatreilang ki member bad ki nongialam ki long ki ba jop kumba 99%.
U Bah Sana u kitbok kitrwiang iaka seng ba kan bteng shuh shuh ka jingshakri hok ia u kup shiliang u sem shilliang hapoh ka Ri lum Jaintia bad ha ka State ruh kumjuh. Nga pat kum u Briew Shimet ba don shisha ka mynsiem ieid jaitbynriew ngan iarap katkum ki kam ba nga lah ban iarap kum u Riewshimet.Ka jing mih jong nga na ka sein ka dei beit naka daw shimet bad ym don kano kano ka daw ba iadei bad ka seng.
