Shillong, Nohprah 16: Ban dawa ia ka tulop ki nongtrei jong ka MeECL mynta ka sngi kila sdang ia ka jingiakhih shah thgnan ka jong ki ha head ophis ha Lum jingshai ban dawa na ki bor ba dei peit ba ka dei ban pynlait noh ia ka tulop jong ki nongtrei kaba la shah mynta la ar bnai tam.
Na ka liang jong u Chief Managing Director jong ka MeCL u Arun Kumar Khembhavie u la khot ia ki nongialam jong ki nongtrei ban ia kren hakaba ia dei bad kane ka jingdawa jong ki kaba la poi sha kane ka jingshah thang kaba kila sdang mynta ka sngi.
Ha dien ka jingiakren bad u CMD na ka liang jong u President ka seng ki nongtrei ka MeECL u bah P K Chulet haba kren ha ki lat pathai khubor u la pynbna ba kila weng noh ia kane ka jingiakhih ka jong ki ha dien ba u CMD u la ai ka jingkular ia ki ban siew noh ia ka tulop jong ki nongtrei.
La iathuh ba ia ka tulop jong u bnai Risaw 2020 yn pynlait mynta ka sngi, ia ka tulop jong u Naiwieng yn pynlait ha kane ka taiew ban wan bad kan don ruh ka jingai lada don kiba kwah ban shim shuwa ia ka pisa ha kane ka por Khrsitmas.
Ha kane ka jingiakren na ka liang jong u CMD, u la ai ka jingkular ba ia ka tulop jong ki bnai ki ban dang wan un sniew noh ha ka taiew kaba nyngkong jong man la u bnai, dei halor kine ki jingiakren bad kila wengnoh ia ka jingiakhih mynta ka sngi.
La ong ba ha kane ka jingiakren la ia mir jingmut ym tang na ka bynta ki nongtrei ka MeECL hynrei wat ia ka bha ka miat jong ka MeECL baroh kawei, ha kane ka jingiakren na ka liang jong u CMD u la ai bor sha ki ophisar ban leh ia kaba don kam wat ban ujor ejhar lada ka Cheque ba siew bill light ki kompeni ka phai biang.
La ia kren ruh ia ka jingmyntoi jong ki nongtrei kaba la tip kum ka “Terminal Benefit” kaba ka sorkar kam shym la siew naduh ba la pynkylla Coporation ia ka MeSEB ha u snem 2010, bun ki jylla kila siew iakane hynrei ka jylla Meghalaya kam shym la siew ia ki nongtrei.
Haba ia dei bad kane na ka liang jong u CMD u la ong bay n ia kren bad ka sorkar jylla ban peit ba ki nongtrei ki dei ban ioh ia kane ka jingmyntoi kaba ki dei ban ioh, hynrei ka shong ha ka sorkar jylla ban shim ia ka rai.
Haba ia dei bad kane ka Terminal Benefit na ka liang jong u Vice President u bah Arju Dkhar u la dawa ba ka sorkar ka dei ban shong noh ia ka cabinet ban shim ia ka rai ban shimram ban siew ia ki nongtrei.
U bah B K Nongkhlaw Secretary u la ong ba ha kaba ia dei bad ki Smart Metter na ka liang jong u CMD u la iathuh ba kim sa shim ia ka rai ban weng noh ia kane ka jingthmu ban pyndon kam ia ki smart metter.
