Shillong, Jylliew 18: Mynta ka sngi ka tnad Elaka jong ka KHADC kala khot hajir ia u Syiem jong ka Hima Nongspung u Pa’im Patrick Syiemiong ha kaba ia dei bad ka jingshah kynnoh ha kalor ka jingshim pisa na ki kontrator ban ai jingbit ban shna ia ka surok ha Balakhawa.
Ha kane ka sngi na ka liang jong u EM jong ka Elaka u Bah Pyniaid Sing Syiem ym shym la lah ban shim ia kano kano ka rai ha kaba ia dei bad kane ka jingkhot hajir ia u Syiem jong ka Hima Nongspung namar ba u Secretary jong ka Hima um shym la lah ban poi na ka daw jong ka jingshitom ka jong u.
Haba ia dei bad kane na ka liang jong ka tnad Elaka kala pynsngeh shuwa ia kane ka jingbishar bad kala buh biang ka por ban kan sa shong bishar biang ia kane ka kam ha ka 28 tarik mynta u bnai ha kaba u Syiem bad u Secretary kin ia don lang.
