Shillong, Jymmang 08: Ka Voice of The People Party ka pyntip ba kan sa leit ban aiti da ka jingthoh sha u myntri rangbah ka jylla halor ka jingpynbeit ryntih ia ka thung kam bad ka jingbhah kam ha ka jylla, la khot ia ki paidbah ban ia don lang ha katei ka sngi.
Ha ka jingiakren ha ki lat pathai khubor ha shillong press clubs mynta ka sngi, u bah Batskhem Myrboh u ba long u kum u nongai ktien jong ka party u la pyntip ba ka party kan sa leit ban aiti ia ka jingthoh sha u myntri rangbah ka jylla Meghalaya u Conrad K Sangma.
Ia kane ka jingleit ai jignthoh kin leit ban ai ha ka 12 tarik Jymmang 2023 ha ka por 2 baje nongphai sngi, Ia kane ka jingleit ban aiti ia ka jingthoh mat jingdawa, yn sa lamkhmat da u President rangbah ka party u bah Ardent M Basaiawmoit bad ki MLA ka party VPP.
La ong ba ruh ba na ka liang jong ka party ka khot ka wer ia ki ba don ka jingsngewkhia halor kane ka kam ki lah ban wan ban iashimbynta, kan long ruh ka jingkyrshan bad ka jingai mynsiem ia ki MLA jong ka party haba ki leit ha katei ka sngi.
Ha kajuh ka por u bah Batskhem Myrboh u la buh ka jingkyrpad rit ia ki paitbah ba wan ban iashimbynta ha katei ka sngi ba kin long ki ba jai jai khlem da pynmih kino kino ki kam bym iahap, lada don kiba shim kabu kin hap ban shim hi ka jingkitkhlieh.
Namar katei ka jingleh jong ka party kam dei ba ka kwah ban thaw ne pynmih jingkulmar, hynrei ka jingthmu jong ka party hi ka long ban wanrah ia ka jingmyntoi na ka bynta ki khun samla.
